९ गावठी कट्टे २० जिवंत काडतुसासह चार संशयीत आरोपी पोलीसाच्या जाळ्यात;

  ९  गावठी कट्टे २० जिवंत काडतुसासह चार संशयीत आरोपी पोलीसाच्या जाळ्यात; चार लाख सात हजार रुपयाचे मुद्देमाल हस्तगत  चोपडा ग्रामीण पोलीसांनी ...

 ९  गावठी कट्टे २० जिवंत काडतुसासह चार संशयीत आरोपी पोलीसाच्या जाळ्यात;

चार लाख सात हजार रुपयाचे मुद्देमाल हस्तगत 

चोपडा ग्रामीण पोलीसांनी केली कारवाई 

चोपडा प्रतिनिधी 

(संपादक हेमकांत गायकवाड)

चोपडा :-

तालुक्यातील कृष्णापुर परिसरात उमर्टी रोडवरील घाटात दोन व्यक्ती गावठी बनावटीच्या पिस्तूल विक्रीचे डिलींग करणार असल्याची माहीती चोपडा ग्रामीण पोलिसांना मिळाली होती.पथकाने सापळा लावला असता कृष्णापुर ते उमर्टी रस्त्यावर डोंगराळ भागातील कच्चा रस्त्यावरील घाटातील मंदीरापासून थोडे पुढे उमर्टी गावाकडेस चढतीजवळ दोन मोटार सायकलींवरील ४ इसमांकडे गोणीमध्ये काहीतरी असल्याचे संशय आल्याने त्यांचेवर छापा टाकून त्यांना जागीच पकडण्यात आले

.त्यांचे नाव गाव विचारले असता त्यांनी हरजनसिंग प्रकाशसिंग चावला वय-२० वर्ष,रा,पारउमर्टी,ता.वरला,जि.बडवाणी,(म.प्र),मनमीतसिंग धृवासिंग बर्नाला वय-२० वर्षे,रा.पारउमर्टी,ता.वरला,जि.बडवाणी (म.प्र),अलबास दाऊद पिंजारी वय-२७ वर्ष,रा.महादेव चौक बाजार पेठ, हरिविठ्ठल नगर,जळगाव ता.जि.जळगांव,अर्जुन तिलकराज मलीक वय-२५ वर्षे,रा.एकता नगर,चमरंग रोड अमृतसर,रा.पंजाब असे असल्याचे सांगीतले.सदर पथकाने चौघांची अंगझडती घेतली असता त्यांच्या गोणीमध्ये ९ गावठी कट्टे,२० जिवंत काडतुस,व २ रिकाम्या मॅगझीन असा मुद्देमाल मिळून आला.गोणी ताब्यात घेत असतांना चौघांनी पोलिसांच्या तावडीतून सुटून पळून जाण्यासाठी हुज्जत घालून पोलीस कर्मचा-यांशी हातापायी करुन शिवीगाळ व धक्काबुक्की केली.त्यांच्या ताब्यातील २ मोटार सायकल क्रमांक एमएच.१९.ईएफ.३७९३,एमपी.६९.एमए.१८४८,९ गावठी कट्टे,२० जिवंत काडतुस,२ रिकाम्या मॅग्झिन,४ मोबाईल हेण्डसेट असा एकूण ४ लाख ७ हजार ४०० रुपयांचा मुद्देमाल मिळून आला आहे.याप्रकरणी चोपडा ग्रामीण पोलिसात सीसीटीएनएस गु.र.नं.३९/२०२४ भा.द.वि.कलम-३५३,५०४,३२३,३४ सह भारतीय हत्यार कायदा कलम ३/२५,७/२५,म.पो.अॅक्ट कलम ३७(१) (३) चे उलंघन १३५ प्रमाणे दाखल करण्यात आला आहे.सदरची कारवाई पोलीस अधिक्षक महेश्वर रेडडी,उपविभागीय पोलीस अधिकारी कुणाल सोनवणे यांच्या मार्गदर्शनाखाली चोपडा ग्रामीण पोलीस ठाण्याच्या निरीक्षक कावेरी कमलाकर,हवालदार शशीकांत पारधी,दीपक शिंदे,किरण पाटील,गजानन पाटील,संदिप निळे,होमगार्ड थावऱ्या बारेला,सुनिल धनगर,श्रावण तेली,संदिप सोनवणे यांनी केली आहे.संशयीत आरोपी अलबास दाऊद पिंजारी वय २७ वर्षे,रा.महादेव चौक बाजार पेठ,हरिविठ्ठल नगर जळगाव हा रेकॉर्डवरील गुन्हेगार असून त्याच्यावर यापुर्वी महाराष्ट्र व महाराष्ट्र बाहेर राज्यात एकुण ९ ते १० गुन्हे दाखल आहेत.चार संशयित आरोपींना चोपडा न्यायालयात हजर करण्यात आले असुन पुढील तपास चोपडा ग्रामीण पोलिस स्टेशनच्या पोलिस निरिक्षक कावेरी कमलाकर करित आहे.