घरगुती वादातून जन्मदात्या बापानेच स्वतःच्या मोठ्या मुलाचा गळा दाबून केला खून

घरगुती वादातून जन्मदात्या बापानेच स्वतःच्या मोठ्या मुलाचा गळा दाबून केला खून  धाकट्या मुलाच्या मदतीने मृत झालेल्या मुलाचा मृत्तदेह दगड बांधू...

घरगुती वादातून जन्मदात्या बापानेच स्वतःच्या मोठ्या मुलाचा गळा दाबून केला खून 

धाकट्या मुलाच्या मदतीने मृत झालेल्या मुलाचा मृत्तदेह दगड बांधून टाकला मळ्यातील एका विहिरीत

अहमदनगर न्यूज ब्युरो नेशन महाराष्ट्र 

(संपादक : हेमकांत गायकवाड)

अहमदनगर : घरगुती वादातून जन्मदात्या बापानेच स्वतःच्या मोठ्या मुलाचा गळा दाबून खून केला. त्यानंतर धाकट्या मुलाच्या मदतीने मृत झालेल्या मुलाचा मृत्तदेह दगड बांधून बुरुडगाव रस्त्यावरील एकाडे मळ्यातील एका विहिरीत टाकला. शुक्रवारी (दि.३१) हा गंभीर प्रकार उजेडात आला आहे.

दिनांक ८ मे रोजी ही घटना घडली. आणि तब्बल २३ दिवसांनी या घटनेचा भांडाफोड झाला असून, जन्मदात्या बापानेच आपल्या मुलाचा खून केल्याचे पोलिस तपासात उघड झाले आहे. पोलिसांनी मयत तरुणाचा बाप व भाऊ या दोघांच्या विरुद्ध खुनाचा गुन्हा दाखल करत दोघांनाही ताब्यात घेतले आहे. गणेश अशोक एकाडे (वय ३१, रा. एकाडे मळा ) असे यातील मृत तरुणाचे नाव आहे. कोतवाली पोलिसांनी मयत तरुणाचा बाप अशोक लक्ष्मण एकाडे व भाऊ दिनेश अशोक एकाडे, या दोघांनाही ताब्यात घेतले आहे. अशोक एकाडे याने १० मे रोजी कोतवाली पोलिस ठाण्यात येवून मुलगा गणेश बेपत्ता झाल्याची तक्रार नोंदवली होती, पोलिस हेड कॉन्स्टेबल विक्रम वाघमारे व पोलिस अंमलदार डाके याचा तपास करत होते. तपासादरम्यान तक्रारदाराकडून प्रत्येकवेळी दिल्या जाणाऱ्या वेगवेगळ्या माहितीमुळे पोलिसांना मयताचा बाप अशोक एकाडे यानेच काहीतरी घातपात केला असावा, अशी शंका आली. त्यामुळे पोलिसांनी तपासाची सूई अशोक एकाडे याच्यावर स्थीर केली होती. त्याच संशयावरून पोलिसांनी परिसरात माहिती घेतली असता, बापानेच त्याच्या मुलाला मारल्याची गोपनीय माहिती पोलिस अंमलदार दीपक रोहोकले यांना मिळाली. त्यानंतर मयत्त गणेशचा बाप अशोक व त्याच्या भावाला पोलिसांनी ताब्यात घेत कसून चौकशी केली. असता त्यानंतर बापानेच मुलाचा खून केल्याचा उलगडा झाला. दि. ८ मे रोजी रात्री साडेदहाच्या सुमारास घराच्या गच्चीवर त्याचा खून केला व धाकट्या भावाच्या मदतीने त्याचा मृतदेह विहिरीत नेऊन टाकल्याचे तपासात समोर आले. मयत गणेश व त्याच्या वडिलांचे कायम वाद होत होते. त्यातूनच हा प्रकार घडल्याचे पोलिसांनी सांगितले. याप्रकरणी पोलिस हेड कॉन्स्टेबल विक्रम वाघमारे यांनी शनिवारी (दि.१) पहाटे दिलेल्या फिर्यादीवरून पोलिसांनी अशोक एकाडे व दिनेश एकाडे या दोघांच्याविरुद्ध भा.दं. वि. कलम ३०२, २०१, ३४ प्रमाणे खुनाचा गुन्हा दाखल केला. पुढील तपास महिला पोलिस उपनिरीक्षक शीतल मुगडे या करीत आहेत.  प्रकार असल्याचे उघड होताच पोलिसांनी एकाडेमळा येथील विहिरीकडे धाव घेतली. पोलिस उपअधीक्षक अमोल भारती, पोलिस निरीक्षक प्रताप दराडे यांच्यासह कोतवाली पोलिसांचे पथक घटनास्थळी दाखल झाले. स्थानिक नागरिक व महानगरपालिकेच्या अग्निशमनदलाच्या मदतीने रात्री उशिरा मयताचा मृतदेह विहिरीतून बाहेर काढण्यात आला.