घरफोडी करणा-या आरोपीला दोन तासात अटक करुन गुन्ह्यातील चोरीस गेलेला मुद्देमाल केला हस्तगत

  घरफोडी  करणा-या आरोपीला  दोन तासात अटक करुन गुन्ह्यातील चोरीस गेलेला मुद्देमाल केला हस्तगत  पाचोरा पोलीस स्टेशनचे डी.बी. अंमलदार यांची का...

 घरफोडी  करणा-या आरोपीला  दोन तासात अटक करुन गुन्ह्यातील चोरीस गेलेला मुद्देमाल केला हस्तगत 

पाचोरा पोलीस स्टेशनचे डी.बी. अंमलदार यांची कारवाई 

नेशन महाराष्ट्र न्यूज ब्युरो :- पाचोरा

(संपादक:- हेमकांत गायकवाड)

पाचोरा पोलीस स्टेशनचे डी.बी. अंमलदार यांनी दोन तासात घरफोडी चोरी करणा-या आरोपीतास अटक करुन गुन्हयात चोरीस गेलेला मुद्देमाल केला हस्तगत याबाबत अधिक माहिती अशी की  शरद अजबराव पाटील, वय. ४९ वर्षे, धंदा. नोकरी (टेलीफोन ऑफिस येथे वॉचमेन), रा. मु.पो. जारगांव, ता. पाचोरा, जि. जळगांव यांनी फिर्याद दिली होती की, दिनांक १३/०७/२०२४ रोजी १०.०० वा ते १७.०० वा. दरम्यान बी.एस.एन.एल. ऑफिस, सारोळा रोड, पाचोरा, जि. जळगांव येथील बंद ऑफिसचे पाठीमागील खिडकीचे कोणत्यातरी हत्याराने काचा फोडुन खिडकी उचकटवून आतमध्ये प्रवेश करुन आमचे संमतीशिवाय लबाडीचे इरादयाने आमचे ऑफिसमध्ये असलेले १) १०,०००/- रुपये किंमतीची एक निळया रंगाची SF SONIC कंपनीची बॅटरी त्यावर ZAMINDAR 1080 असे लिहलेले जु.वा.किं.सु. २) २,०००/- रुपये किंमतीचे एक लहान ट्रान्सफॉर्म, जु.वा. किं.सु. ३) ३,०००/- रुपये किंमतीची एक निळ्या रंगाची कॉपर केबल, जु.वा.किं.सु. असा एकुण १५,०००/- रुपये किंमतीचा माल हा अज्ञात आरोपीताने घरफोडी चोरी करुन चोरुन नेला असुन पाचोरा पोलीस ठाणे गु.रजि. क्रमांक ३१९/२०२४, भारतीय न्याय संहिता कलम ३३१ (३), ३०५ प्रमाणे दिनांक १३/०७/२०२४ रोजी १५/२१.०९ वा. गुन्हा दाखल करण्यात आला 

सदर गुन्हयाचे अनुषंगाने पाचोरा पोलीस स्टेशनचे डी. बी. अंमलदार पोहेकॉ/ राहुल शिंपी, पोकॉ/ योगेश सुरेश पाटील यांनी सीसीटीव्ही फुटेज व गुन्हयाचे तांत्रीक विश्लेषणाचे आधारे तसेच गुन्हयाचा तपास चालु असतांना संशयीत इसम हा बसस्थानक परीसरात फिरत आहे अशी गुप्त बातमीदाराने पोहेकॉ/ राहुल शिंपी यांना बातमी दिल्याने बातमीप्रमाणे त्यांनी बसस्थानक पाचोरा परिसरातुन इसम नामे सलमान शेरु पिंजारी, वय. २१ वर्षे, रा. कुर्बान नगर, बाहेरपुरा, पाचोरा, जि. जळगांव, सध्या रा. हाजीमंजील, जळगांव काट्याजवळ, जळगांव यांस ताब्यात घेवुन गुन्हयाबाबत विचारपुस करता त्याने सदरचा गुन्हा मी व माझे सोबत असलेला जावेद उर्फे जाबीर बल्लु पिंजारी, वय, २१ वर्षे, रा. कुर्बान नगर, पाचोरा, जि. जळगांव असे आम्ही केलेला आहे. अशी कबुली दिल्याने त्याला पाचोरा पोलीस स्टेशन येथे आणुन त्याची गुन्हयाचे संदर्भात प्राथमिक चौकशी करण्यात आली तरी त्याचा सदरील गुन्हयात सहभाग असल्याचे निष्पन्न झाल्याने त्यास सदर गुन्हयात अटक करुन त्याचेकडुन चोरीस गेलेला वरील मुद्देमाल हा हस्तगत करण्यात आलेला आहे. दुसरा आरोपी हा पळुन गेलेला असुन सदर गुन्हयातील आरोपी यास अटक करुन मा. न्यायालयाने त्याला दिनांक १५/०७/२०२४ रोजी पर्यंत ०१ दिवसाची पोलीस कोठडी रिमांड दिलेली आहे. सदर गुन्हयाचा तपास पोहेकॉ/ राहुल काशिनाथ शिंपी हे करीत आहेत.

सदरची कामगिरी ही मा. पोलीस अधीक्षक सो श्री. महेश्वर रेडडी, अप्पर पोलीस अधीक्षक सो, चाळीसगांव परिमंडळ श्रीमती कविता नेरकर, उप विभागीय पोलीस अधिकारी सो, श्री. धनंजय येरुळे यांचे मार्गदर्शनाखाली पोलीस निरीक्षक श्री. अशोक पवार, पोहेकों / राहुल काशिनाथ शिंपी, पोकॉ/ योगेश सुरेश पाटील यांनी पार पाडली आहे.