वैजापूर प्राथमिक केंद्रांतर्गत असलेल्या घोडा-चापड या पाड्यावर पथनाट्यातून लोकांना दिले आरोग्याचे धडे

 🏥🧑‍🍼वैजापूर प्राथमिक केंद्रांतर्गत असलेल्या घोडा-चापड या पाड्यावर पथनाट्यातून लोकांना दिले आरोग्याचे धडे चोपडा प्रतिनिधी (संपादक -:-हेमक...

 🏥🧑‍🍼वैजापूर प्राथमिक केंद्रांतर्गत असलेल्या घोडा-चापड या पाड्यावर पथनाट्यातून लोकांना दिले आरोग्याचे धडे

चोपडा प्रतिनिधी

(संपादक -:-हेमकांत गायकवाड)

     आज दि- २३/१२ /२०२४ रोजी घोडा चापड या दुर्गम पाड्यावर अमळनेर येथील आधार बहुउद्देशीय संस्था व Jhpiego यांच्या सुरू असलेल्या  AMPLI-PPHI प्रोजेक्ट च्या (community awareness activitie) समुदाय जनजागृती कार्यक्रमातून लोकांना आरोग्य विषयी माहिती देण्यात आली .

 यावेळी या कार्यक्रमाला विशेष उपस्थिती म्हणून वैजापूर प्रा. आ. केंद्राचे युवा कर्तव्यदक्ष वैद्यकीय अधिकारी डॉ. रोहन मराठे सर यांची विशेष उपस्थिती होती. सोबतच गावातील पटेल, आशा सेविका, दाई ,सामाजिक कार्यकर्ते व महिला उपस्थित होते. तसेच जपायगो संस्थेचे चे आम्रपाली मॅडम, उज्वल भगत सर, उपस्थित होते.

   कार्यक्रमाची प्रास्ताविका तसेच सूत्रसंचालन ज्ञानेश्वर सोनवणे यांनी केले तद्नंतर टीम ने पथनाट्य सादर करून गावकऱ्यांना आपल्या भागातील प्राथमिक आरोग्य केंद्रांतर्गत मिळणाऱ्या सेवा तसेच योजना याबाबत लोकांना माहिती दिली व सुरक्षित बाळंतपणासाठी प्रसूतीपूर्व तसेच बाळंतपणा दरम्यान महिलेची ( ANC मातेची) घ्यावयाची काळजी व त्याबाबतचे उपयोजन याबद्दल गावकर्‍यांना सविस्तर माहिती कार्यक्रमातून दिली यानंतर वैद्यकीय अधिकारी डॉ. रोहन मराठे सर यांनी आपल्या भाषणातून गावातील लोकांना आपल्या भागातील आरोग्य केंद्रांतर्गत दिल्या जाणाऱ्या सुविधाची माहिती दिली व याविषयी लोकांशी सकारात्मक चर्चा करून यांचे प्रश्न सोडविले .

        आपल्या सातपुड्यातील अती दुर्गम भागात अशा प्रकारच्या कार्यक्रमाच्या माध्यमातून आरोग्य सेवेला अजून प्रभावी व मजबूत करण्याच्या दृष्टीने आपल्या चोपडा तालुक्याचे आरोग्य दूत तालुका वैद्यकीय अधिकारी डॉ. प्रदीप लासुरकर सर व आधार संस्थेच्या अध्यक्षा डॉ. भारती पाटील तसेच Jhpiego च्या PO - आम्रपाली मुरार , दीपक संदनशिव सर , भगत सर यांच्या मार्गदर्शनाखाली अशा प्रकारचे आरोग्य जनजागृती कार्यक्रम गाव पातळीवर,शाळांवर तसेच पाड्यांवर, वस्त्यांवर राबविले जात आहेत .

     शेवटी कार्यक्रमाचा समारोप शब्दसुमानाने सर्व गावकर्‍याचे आभार मानले यावेळी उपस्थित लेनिन महाजन, शिवा बरेला, निशांत कोळी, सागर पावरा, प्रिती बारेला इ. उपस्थीत होते 

कार्यक्रमासाठी विशेष सहकार्य- लेनिन महाजन,शिवा बारेला.

       धन्यवाद🙏