पाथर्डी शहरामध्ये मावा व सुगंधीत तंबाखु विक्रेत्यावर गुन्हे शाखेची कारवाई आरोपींकडून २,५९,१००/- रूपये किंमतीचा मुद्देमाल जप्त

पाथर्डी शहरामध्ये मावा व सुगंधीत तंबाखु विक्रेत्यावर गुन्हे शाखेची कारवाई  आरोपींकडून २,५९,१००/- रूपये किंमतीचा मुद्देमाल जप्त  सचिन मोकळं अ...

पाथर्डी शहरामध्ये मावा व सुगंधीत तंबाखु विक्रेत्यावर गुन्हे शाखेची कारवाई 

आरोपींकडून २,५९,१००/- रूपये किंमतीचा मुद्देमाल जप्त 

सचिन मोकळं अहिल्यानगर

(संपादक -:-हेमकांत गायकवाड)

मा. श्री राकेश ओला, पोलीस अधीक्षक अहिल्यानगर यांनी स्थानिक गुन्हे शाखेला जिल्ह्यामध्ये अवैध व्यावसायिकांवर कारवाई करणेबाबत आदेश दिलेले असून नमुद आदेशाप्रमाणे पोनि/श्री.दिनेश आहेर यांनी स्थानिक गुन्हे शाखा व तपास पथकातील पोलीस अंमलदार पंकज व्यवहारे, सोमनाथ झांबरे, शिवाजी ढाकणे, जालींदर माने व सारिका दरेकर अशांचे पथक  तयार करून पाथर्डी पोलीस स्टेशन हद्दीत अवैध व्यावसायिकांची माहिती काढुन त्यांचेविरुध्द कारवाई करणेबाबत सुचना देऊन पथक रवाना केले होते. दिनांक १६/०१/२०२५ रोजी पथक पाथर्डी पोलीस स्टेशन हद्दीमध्ये अवैध धंदयाची माहिती घेत असताना, पथकास गुप्तबातमीदारामार्फत बातमी मिळाली की, इसम नामे बाळसाहेब सोनटक्के, रा. सोनटक्के वस्ती, पाथर्डी याने त्याचे राहते घरामध्ये बेकायदेशीरपणे शरीरास अपायकारक सुगंधीत तंबाखु ठेवलेली असून तो मशीनच्या सहाय्याने मावा तयार करून विक्री करत आहे. पथकातील पोलीस अंमलदारांनी पंचासमक्ष बातमीतील ठिकाणी जाऊन खात्री केली असता एक इसम पत्र्याचे शेडमध्ये सुगंधीत तंबाखु व सुपारीचे मिश्रण करून मावा तयार करताना मिळून आल्याने त्यास ताब्यात घेऊन त्याचे नाव विचारले असता त्याने त्याचे नाव १) कृष्णा सुरेश फुलमाळी, वय २७, रा.साकेगाव, ता.पाथर्डी, जि.अहिल्यानगर असे असल्याचे सांगीतले. पथकाने घटनाठिकणावरून २,५९,१००/- रू किंमतीचा मुद्देमाल त्यात विविध रंगाचे सुबंधीत तंबाखु ७४ पुडे, ५० किलो तंबाखु व सुपारी मिश्रीत मावा, १० किलो बारीक सुपारी, एक इलेक्ट्रीक लोखंडी मशीन व प्लास्टीक पुडया असा मुद्देमाल जप्त केला आहे.  

तपास पथकाने ताब्यातील आरोपीकडे जप्त करण्यात आलेल्या मुद्देमालाच्या मालकीबाबत विचारपूस केली असता त्याने जप्त केलेला मुद्देमाल हा २) बाळासाहेब शंकर सोनटक्के, रा.सोनटक्के वस्ती, पाथर्डी (फरार) याचे मालकीचा असून त्याने सुगंधीत तंबाखु ही ३) प्रेम मिश्रा, रा.अहमदाबाद, गुजरात (फरार) याचेकडून विकत घेत असलेबाबतची माहिती सांगीतली आहे.  वर नमूद आरोपीविरूध्द पाथर्डी पोलीस स्टेशन गुरनं 60/2025 बीएनएस 2023 चे कलम 123, 223, 274, 275, 3 (5) प्रमाणे गुन्हा दाखल करण्यात आला असून गुन्हयाचा पुढील तपास पाथर्डी पोलीस स्टेशन हे करीत आहेत. सदरची कारवाई मा. श्री. राकेश ओला, पोलीस अधीक्षक, अहिल्यानगर, मा.श्री. प्रशांत खैरे, अपर पोलीस अधिक्षक, अहिल्यानगर, मा. श्री. सुनिल पाटील, उपविभागीय पोलीस अधिकारी, शेवगाव उपविभाग यांचे सुचना व मार्गदर्शनाखाली स्थानिक गुन्हे शाखेचे पोलीस अंमलदार यांनी केलेली आहे.