वनपरिक्षेत्र अधिकारी (प्रा.) चोपडा यांची शेतशिवारातिल घरावर छापा टाकून कारवाई

  वनपरिक्षेत्र अधिकारी (प्रा.) चोपडा यांची  शेतशिवारातिल घरावर छापा टाकून कारवाई  विश्राम तेले चौगाव  (संपादक -:-हेमकांत गायकवाड) दिनांक २४....

 वनपरिक्षेत्र अधिकारी (प्रा.) चोपडा यांची  शेतशिवारातिल घरावर छापा टाकून कारवाई 

विश्राम तेले चौगाव 

(संपादक -:-हेमकांत गायकवाड)

दिनांक २४.०१.२०२५ रोजी रात्री १२.३० वाजेच्या सुमारास वनपरिक्षेत्र अधिकारी (प्रा.) चोपडा यांना मिळालेल्या गुप्त बातमीनुसार नियतक्षेत्र चौगांव कक्ष क्र.२६० मध्ये अवैध वृक्षतोड करीत असल्याचे समजताच वनपरिक्षेत्र चोपडा रेंज स्टॉफ यांनी घटनास्थळी जावून अवैध वृक्षतोड करुन मोटार सायकल वर साग नग वाहतुक करीत असता करणारे आरोपी इसम यांना अटकाव करण्याचा प्रयत्न केला असता आरोपी इसम यांनी शासकीय कर्तव्यावर असलेले श्री प्रकाश सुभाष पाटील, वनरक्षक चौगांव यांनी सदर वाहन अडविण्याचा प्रयत्न केला असता आरोपी इसमांनी श्री पाटील, वनरक्षक यांच्या आंगावर सदर वाहन चढवून पायाला जबर मार लागल्याने ते जखमी झाले. जागेवर मोटार सायकल अंदाजीत रक्कम २५,०००/- नग-०१ स्टनर कंपनीची विना क्रमाकं विना चेचेस नंबर व साग नग ०८, घ.मी-०.१५१, मा.कि.३०५६/- मिळून आले मुददेमाल शासकीय वाहनाने मु.वि.केंद्र चोपडा येथे जमा केला. तसेच सहकारी वनकर्मचारी यांनी श्री पाटील, वनरक्षक यांना रात्री उपजिल्हा रुग्णालय चोपडा येथे दाखल केले असता अदयाप त्यांचेवर शासकीय रुग्णालयात उपचार सुरु आहेत.

सदर घटनेची माहिती मिळताच दिनांक २५.०१.२०२५ श्री प्रथमेश वि.हाडपे, सहाय्यक वनसंरक्षक (वनीकरण व वन्यजीव) चोपडा व श्री. बी. के. थोरात, वनपरिक्षेत्र अधिकारी चोपडा (प्रा) यांनी उपजिल्हा रुग्णालय चोपडा येथे जावून श्री प्रकाश सुभाष पाटील, वनरक्षक चौगांव यांच्या तब्येतीची विचारपूस करुन नंतर रेंज स्टॉफ यांचेसह मौजे चौगांव गावापासून जवळच्या शेत शिवार भागात श्री. संजय प्रकाश कोळी, रा चौगांव यांना झडती वारंट बजावून त्यांचा घराची तपासणी केली असता त्यांच्या तळघरात कटाई मशीन -०१ व इतर लाकूड कटाई अवजारे अंदाजीत रक्कम १,००,८५० व साग नग ३५, घ.मी ०.३८४ व माल किंमत १०,७३८/- तयार पलंग नग १ (४x६) मिळून आले. एकंदरीत जप्त मुद्देमाल किंमत १,१४,६४४/- सदरचा माल जप्त करुन शासकीय वाहनाने मु.वि. केंद्र चोपडा येथे जमा केला.

सदरची कार्यवाही श्रीमती निनू सोमराज मॅडम, म.वनसंरक्षक धुळे (प्रा.) वनवृत्त धुळे, श्री.जमीर एम.शेख, म.उप वनसंरक्षक, यावल वनविभाग जळगांव, व श्री. आर. आर. सदगीर, म. विभागीय वन अधिकारी (दक्षता) धुळे यांच्या मार्गदर्शनाखाली श्री प्रथमेश वि.हाडपे, सहाय्यक वनसंरक्षक (वनीकरण व वन्यजीव) चोपडा यांच्या उपस्थितीत श्री. बी. के. थोरात, वनपरिक्षेत्र अधिकारी चोपडा (प्रा), श्री. आर.एस.मोरे, वनपाल सत्रासेन, श्री. अमोल पाटील, वनपाल लासुर (अ.कार्य) श्री. शुभम पाटील, वनरक्षक लासुर, श्री. रोहित पावरा, वनरक्षक मोरचिडा, श्री. प्रकाश पाटील, वनरक्षक चौगांव, श्री. शालीग्राम कंखरे, वनरक्षक अंधारमळी, श्री संदिप पावरा वनरक्षक, श्री जनार्दन गुटटे, वनरक्षक पळासदरा, श्रीमती रिला पावरा, वनरक्षक सत्रासेन, श्रीमती सरला भोई, वनरक्षक लासुर उत्तर, श्रीमती सोनाली पावरा, वनरक्षक उमटी, श्रीमती अनिता बारेला, वनरक्षक श्रीमती पिंकी कोठारी, वनरक्षक, श्रीमती पोप्या बारेला, वनरक्षक श्री गोविंदा चौधरी व मदन मराठे वाहन चालक तसेच मनोज मोरे, रावा कोळी, रवि भिल व रतिलाल भिल, भुरसिंग बारेला, वनसेवक यांनी केली