शहरातील अवैध बांधकाम केलेल्या आरोग्य हॉस्पीटल बिल्डींगवर तात्काळ कारवाई करा अन्यथा ५ मार्च २०२५ रोजी न.प. कार्यालयात गाढव आंदोलन करण्यात येईल असा इशारा प्रहार जनशक्ती पक्षाचे जिल्हा उपप्रमुख अजय टप यांनी एका निवेदनाद्वारे न.प. मुख्याधिकारी व न.प.प्रशासक यांना दिला

  शहरातील अवैध बांधकाम केलेल्या आरोग्य हॉस्पीटल बिल्डींगवर तात्काळ कारवाई करा अन्यथा ५ मार्च २०२५ रोजी न.प. कार्यालयात गाढव आंदोलन करण्यात ...

 शहरातील अवैध बांधकाम केलेल्या आरोग्य हॉस्पीटल बिल्डींगवर तात्काळ कारवाई करा

अन्यथा ५ मार्च २०२५ रोजी न.प. कार्यालयात गाढव आंदोलन करण्यात येईल असा इशारा प्रहार जनशक्ती पक्षाचे जिल्हा उपप्रमुख अजय टप यांनी एका निवेदनाद्वारे न.प. मुख्याधिकारी व न.प.प्रशासक यांना दिला

अमोल बावस्कार -:- बुलढाणा

(संपादक -:- हेमकांत गायकवाड)

मलकापूर:- निवेदनात नमूद आहे की, मलकापूर न.प. हद्दीमध्ये चाळीसबिघा परिसरातील गणेशनगरस्थित शांती आरोग्यम् हॉस्पीलची बिल्डींग ही न.प.ची कुठलीही बांधकाम परवानगी न घेता उभारण्यात आली असतांनाही न.प. प्रशासनातील अधिकारी, कर्मचारी हे सदर बांधकाम धारकास पाठीशी घालण्याचा प्रकार करीत आहेत. सदर दवाखान्याच्या अवैध बांधकामाबाबत  तत्कालीन मुख्याधिकारी डॉ.प्रशांत शेळके यांनी संबंधित बांधकाम धारकास सदरचे बांधकाम एक महिन्याच्या आत जमीनदोस्त करण्यात यावे, अन्यथा आपणा विरूध्द फौजदारी स्वरूपाची कार्यवाही करण्यात येईल, असे पत्र दि.२७.१२.२०२४ रोजीच डॉ.विकेश जैन (शांती आरोग्यम् हॉस्पीटल) मलकापूर यांना दिले होते.  या पत्राला दीड महिन्याच्या वर कालावधी उलटला आहे. मात्र तरीही सदरचे बांधकाम हे जैसे थे असेच आहे. त्यामुळे एकप्रकारे त्या अवैध बांधकामधारकास पाठीशी घालण्याचा प्रकार न.प.तील अधिकारी, कर्मचारी हे करीत आहेत. 

सदर दवाखान्याच्या अवैध बांधकामाबाबत दिलेल्या मुदतीनंतर योग्य ती कायंवाही होणे अपेक्षित होते. मात्र तसे कुठलीही कारवाई झालेली नसल्याने तात्काळ योग्य कार्यवाही करण्यात यावी. अन्यथा प्रहार जनशक्ती पक्षाच्या वतीने येत्या येत्या ५ मार्च २०२५ रोजी न.प. कार्यालयामध्येच गाढव आंदोलन करण्यात येईल असा इशारा अजय टप यांनी दिला आहे.