सामंजस्य करारांतर्गत यावल महाविद्यालयातील विद्यार्थ्यानी बनविले ॲग्रीस्टॅक योजनेअंतर्गत शेतकरी ओळखपत्र भरत कोळी यावल ता.प्रतिनिधी (संपाद...
सामंजस्य करारांतर्गत यावल महाविद्यालयातील विद्यार्थ्यानी बनविले ॲग्रीस्टॅक योजनेअंतर्गत शेतकरी ओळखपत्र
भरत कोळी यावल ता.प्रतिनिधी
(संपादक -:- हेमकांत गायकवाड)
यावल तहसील आणि कला, वाणिज्य व विज्ञान महाविद्यालय , यावल संयुक्त विद्यमाने महाविद्यालयातील विद्यार्थ्यांनी बनविले शेतकरी ओळखपत्र. मराठा विद्या प्रसारक सह समाजाचे कला, वाणिज्य व विज्ञान महाविद्यालय यावल आणि यावल तहसील यांच्यात सामंजस्य करार (MOU) असल्याने यावल महाविद्यालयातील प्र. प्राचार्या डॉ. संध्या सोनवणे व यावल तालुक्याच्या तहसीलदार श्रीमती मोहनमाला नाझीरकर यांच्या मार्गदर्शनाखाली केंद्र शासनाच्या ॲग्रीस्टॅक योजने अंतर्गत शेतकरी माहिती संच आणि शेतकरी ओळखपत्र तयार करण्याचे काम महाविद्यालयाच्या विद्यार्थ्यांनी केले. केंद्र शासन व राज्य शासनाच्या विविध लाभाच्या योजने करिता हे शेतकरी ओळखपत्र अत्यंत महत्वाचे असल्यामुळे ते शेतकऱ्यांना भविष्यात महत्त्वाचे ठरेल यासाठी हे ओळखपत्र बनविण्यात आले . सदर कार्यक्रमासाठी उपप्राचार्य.प्रा.एम.डी.खैरनार , उपप्राचार्य डॉ.एस.पी कापडे,प्रा.नरेंद्र पाटील, प्रा.हेमंत पाटील,प्रा.प्रशांत मोरे
,प्रा. अक्षय सपकाळे व शिक्षकेतर कर्मचाऱ्यांनी परिश्रम घेतले
No comments