सावदा दुय्यम निबंधक 'अभय योजना', सैनिक निधी व मुद्रांक शुल्क वसुलीत वाढ दु य्यम निबंधक कार्यालयाचे पी.व्ही.कुलकर्णी यांचा जिल्हा...
सावदा दुय्यम निबंधक 'अभय योजना', सैनिक निधी व मुद्रांक शुल्क वसुलीत वाढ
दुय्यम निबंधक कार्यालयाचे पी.व्ही.कुलकर्णी यांचा जिल्हास्तरीय सन्मान
रावेर प्रतिनिधी मुबारक तडवी
(संपादक -:-हेमकांत गायकवाड)
रावेर तालुक्यातील सावदा दुय्यम निबंधक कार्यालयातील आर्थिक वर्ष २०२४-२५ मध्ये रावेर तालुक्यातील सावदा दुय्यम निबंधक कार्यालयाने महसुलात तब्बल १३०.१५ टक्के वाढ नोंदवून एक आदर्श कामगिरी केली आहे. या उल्लेखनीय कामगिरीबद्दल सावदा दुय्यम निबंधक कार्यालयाचे अधिकारी पी.व्ही. कुलकर्णी यांचा नुकताच जिल्हास्तरीय सन्मान करण्यात आला आहे. महसूल वसुलीतील त्यांच्या पुढाकारामुळे सावदा कार्यालयाने आर्थिक क्षेत्रात एक नवा उच्चांक गाठला. हा सन्मान थकीत मुद्रांक शुल्कासाठी राबवण्यात आलेल्या 'अभय योजना', सैनिक निधी व मुद्रांक शुल्क वसुलीतील त्यांच्या मोलाच्या योगदानासाठी प्रदान करण्यात आला. कुलकर्णी यांनी विविध योजनांची प्रभावी अंमलबजावणी करत महसूल वसुलीमध्ये लक्षणीय वाढ साधली आहे. त्यांनी घेतलेली कार्यतत्परता, योजनाबद्ध अंमलबजावणी आणिकार्यक्षम नेतृत्वामुळे सावदा कार्यालयाने राज्यभरात आपली वेगळी ओळख निर्माण केली आहे. या कामगिरीमुळे महसूल विभागाच्या कार्यक्षमतेत लक्षणीय भर पडली आहे. महसूल वसुलीतील त्यांच्या पुढाकारामुळे
सावदा कार्यालयाने आर्थिक क्षेत्रात एक नवा उच्चांक गाठला आहे. त्यांच्या यशाबद्दल वरिष्ठ अधिकारी, स्थानिक प्रशासन व नागरिकांकडूनही त्यांचे मनःपूर्वक अभिनंदन करण्यात येत आहे. या सन्मानामुळे अन्य अधिकाऱ्यांमध्येही प्रेरणा निर्माण झाली असून भविष्यात महसूल वसुलीमध्ये अधिक गती साधण्याचा निर्धार व्यक्त होत आहे. सावदा कार्यालयाची ही वाटचाल इतर विभागांसाठीही आदर्श ठरणार आहे.
No comments