चंद्रभागा नदीत न्हावीच्या दर्पण कोलतेचा बुडून मृत्यू; आठ तासांनी मिळाला मृतदेह

  चंद्रभागा नदीत न्हावीच्या दर्पण कोलतेचा बुडून  मृत्यू; आठ तासांनी मिळाला मृतदेह  इदू पिंजारी फैजपूर-  (संपादक -:- हेमकांत गायकवाड) न्हावी ...

 चंद्रभागा नदीत न्हावीच्या दर्पण कोलतेचा बुडून  मृत्यू; आठ तासांनी मिळाला मृतदेह 

इदू पिंजारी फैजपूर- 

(संपादक -:- हेमकांत गायकवाड)

न्हावी ता.यावल -:- येथील दोघे मित्र पंढरपूर मध्ये श्री विठ्ठलाच्या दर्शनासाठी गेले असताना चंद्रभागा नदीत स्नान करण्यासाठी उतरले असता त्यातील एका तरुणाचा बुडून मृत्यू झाल्याची घटना आज दि.१३ एप्रिल रोज रविवारी सकाळी समोर आली आहे.बुडालेल्या तरुणाचा सुमारे आठ तासानंतर मृतदेह मिळून आला आहे. पंढरपूर शहर पोलीस स्टेशनला अकस्मात मृत्यूची नोंद घेण्याचे काम सुरू होते.  न्हावी गावचा रहिवासी दर्पण निलेश कोलते ( वय १८ वर्ष ) असं बुडालेल्या तरूणाचे नाव असून या घटनेने न्हावी गावात शोककळा पसरली आहे.

   दर्पण निलेश  कोलते व त्याचा मित्र मनोज रघुनाथ कापडे (वय १८, रा. न्हावी ता. यावल. हे दोघे मित्र पंढरपूरला विठ्ठल दर्शनासाठी गेले होते. पंढरपूरमध्ये  दर्पण कोलते आणि त्याचा मित्र मनोज कापडे सकाळी चंद्रभागा नदी पात्रात स्नानासाठी गेले होते. येथील भक्त पुंडलिक मंदिरजवळ ते नदीत स्नानासाठी उतरले होते. मात्र पाण्याचा अंदाज न आल्याने दर्पण व त्याचा मित्र दोघे बुडाले. दोघेजण बुडत असल्याचे नदीत आंघोळीसाठी आलेल्या भाविकांच्या लक्षात आले. यानंतर त्यांनी लागलीच मदत करत मनोज कापडे याला बाहेर काढले. मनोज ला वाचविण्यात त्यांना यश आले. मात्र दर्पण कोलते पाण्यात. बुडाला.याबाबतची माहिती स्थानिक प्रशासनाला देण्यात आली असून पोलीस प्रशासन व बचाव पथक येथे दाखल ही झाले आहे. त्यांच्याकडून बुडालेल्या तरूणाचा शोध सुरू करण्यात आला आहे. दर्पण निलेश कोलते याचा पाण्यात बुडून मृत्यू झाला होता. त्याचा मृतदेह तब्बल आठ तासांनी हाती लागला. या घटनेने  न्हावी गावा सह परिसरात तरुणाच्या मृत्यूमुळे शोककळा पसरली आहे. आई वडील गरीब असतांनाच मोलमजुरी करुन मुलास तंत्रनिकेतन  शिक्षणा करीता शासकीय तंत्रनिकेत संभाजीनगर येथे शिकत होता.तीन दिवस सुट्टी असल्याने तो मित्रासह  पंढरपुरला विठ्ठलाच्या दर्शनासाठी  गेला होता. दर्पण कोलते याचा मृतदेह सोमवारी सकाळी न्हावी गावात आल्यानंतर त्याच्यावर अंत्यसंस्कार करण्यात आले.