यावल वनविभागात बिबट्यांसह ४९२ वन्यप्राणी बुद्ध पौर्णिमेनिमित्त वन्यप्रेमींनी केली प्रगणना २७ पेक्षा अधिक प्रजातींची नोंद

  यावल वनविभागात बिबट्यांसह ४९२ वन्यप्राणी बुद्ध पौर्णिमेनिमित्त वन्यप्रेमींनी केली प्रगणना २७ पेक्षा अधिक प्रजातींची नोंद   भरत कोळी यावल त...

 यावल वनविभागात बिबट्यांसह ४९२ वन्यप्राणी बुद्ध पौर्णिमेनिमित्त वन्यप्रेमींनी केली प्रगणना २७ पेक्षा अधिक प्रजातींची नोंद 

 भरत कोळी यावल ता. प्रतिनिधी

(संपादक -:- हेमकांत गायकवाड)

 यावल प्रादेशिक वनविभागात निसर्ग अनुभवां' तर्गत बुद्ध पौर्णिमेच्या निमित्ताने वन्यप्राणी प्रगणना कार्यक्रम उत्साहात पार पडला. वन्य प्राणी गणनेसाठी यावल वनविभागाने ३९ मचाणांचे नियोजन केले होते. या उपक्रमांतर्गत १५० हून अधिक निसर्गप्रेमी, पर्यावरणप्रेमी, वन व इतर विभागातील अधिकारी-कर्मचाऱ्यांनी सहभाग घेत प्रज्वलित पौर्णिमेच्या लख्ख प्रकाशात विविध प्रजातींच्या वन्यजीवांचे निरीक्षण केले.

वन्यप्राणी प्रगणनेदरम्यान बिबटे, अस्वल, कोल्हा, लांडगा, ससा, भेकर, नीलगाय, रानडुक्कर, चिंकारा, चौशिंगा, काळवीट, साळिंदर आदी प्राण्यांसह विविध पक्ष्यांच्या प्रजातींचे निरीक्षण करण्यात आले. यात एकूण ४९२ वन्यजीव आणि पक्ष्यांच्या नोंदीसह २७ हून अधिक प्रजातींचे दर्शन झाले. या कार्यक्रमासाठी ऑनलाइन रजिस्ट्रेशन प्रणालीचा वापर करण्यात आला. रात्रीच्या वेळी जंगलात मचाणावरून निरीक्षण करणे ही निसर्गप्रेमींसाठी थरारक व अविस्मरणीय अनुभूती असून विशेष म्हणजे रावेर वनक्षेत्रात बिबट्याचे दर्शन घडले, तर वैजापूर वनक्षेत्रात बिबट्याच्या पाऊलखुणा आढळल्या 

असल्याचा अभिप्राय सहभागी निसर्गप्रेमी व अभ्यासकांनी आपल्या निरीक्षणात नोंदवला. या उपक्रमासाठी अतिरिक्त पोलीस अधीक्षक अशोक नखाते, जिल्हा अधीक्षक कृषी कुर्बान अधिकारी तडवी, साहाय्यक वनसंरक्षक समाधान पाटील, रावेरचे तहसीलदार बंडू कापसे, मानद वन्यजीव रक्षक रवींद्र फालक, वन्यजीव अभ्यासक अमन गुजर, इ.उपस्थिती दिली होती 

  'ढगाळ वातावरण आणि पावसामुळे अडथळा येईल असे वाटत होते. परंतु निसर्गप्रेमींनी विविध वन्यजीवांचे दर्शन घेतले. अचानक बदललेल्या हवामानामुळे प्राण्यांच्या हालचाली, वर्तन यांचे निरीक्षणही वेगळ्या पद्धतीने अनुभवता आले. '- समाधान पाटील, साहाय्यक वनसंरक्षक यावल. संस्था, महाविद्यालयीन प्राध्यापक व अधिकारी उपस्थित होते.

धुळे (प्रादेशिक) वनवृत्त वनसंरक्षक निनू सोमराज, यावल प्रादेशिक उपवनसंरक्षक जमीर शेख, साहाय्यक वनसंरक्षक प्रथमेश हाडपे आणि समाधान पाटील यांच्या मार्गदर्शनाखाली यावल वनविभागातील सर्व वनपरिक्षेत्र अधिकारी, वनपाल, वनरक्षक व वनमजूर यांनी प्रगणना केली.