यावल तहसीलदारांचा अवैध वाळू वाहतुकीवर सर्जिकल स्ट्राइक कारवाई शासकीय वाहनाच्या अपघात; सुदैवाने जीवितहानी टळली

  यावल तहसीलदारांचा अवैध वाळू वाहतुकीवर सर्जिकल स्ट्राइक कारवाई शासकीय वाहनाच्या अपघात; सुदैवाने जीवितहानी टळली  भरत कोळी यावल ता.प्रतिनिधी ...

 यावल तहसीलदारांचा अवैध वाळू वाहतुकीवर सर्जिकल स्ट्राइक कारवाई

शासकीय वाहनाच्या अपघात; सुदैवाने जीवितहानी टळली 

भरत कोळी यावल ता.प्रतिनिधी

(संपादक -:- हेमकांत गायकवाड) 

यावलः तापी नदीपात्रात सुरू असलेल्या अवैध गौणखनिज वाहतुकीला आळा घालण्यासाठी यावल तहसीलदार श्रीमती मोहनमाला नाझीरकर यांनी आज अत्यंत धाडसी कारवाई केली. विदगाव (ता. जळगाव) परिसरात ही कारवाई सुरू असताना एक अवैध गौणखनिज भरलेला ट्रॅक्टर भरधाव वेगाने पळवण्यात येत असल्याचे निदर्शनास येताच, तहसीलदार यांनी आपल्या पथकासह स्वतः पाठलाग सुरू केला.पाठलाग दरम्यान, त्यांच्या शासकीय वाहनाचा ताबा सुटून ते थेट नदीपात्रात उलटले. या अपघातात तहसीलदार व त्यांच्या पथकातील सर्व सदस्य सुदैवाने सुखरूप बचावले असून कोणतीही जीवितहानी झाली नाही. मात्र शासकीय वाहनाचे मोठ्या प्रमाणावर नुकसान झाले आहे.

घटनेची माहिती मिळताच जळगावच्या तहसीलदार डॉ. उमा ढेकळे यांनी तातडीने घटनास्थळी धाव घेतली व जेसीबीसह बचावकार्य सुरू करण्यात आले. प्रशासनाच्या तत्परतेमुळे मोठा अनर्थ टळला. या प्रकरणी संबंधित ट्रॅक्टरचालक व अन्य जबाबदार व्यक्तींविरोधात गुन्हा दाखल करण्याची प्रक्रिया सुरू आहे.यावल प्रशासनाच्या कार्यक्षमतेचे आणि महिलांच्या नेतृत्वाचे हे सशक्त उदाहरण ठरले आहे.