जागतिक योगादिवस साजरा

  जागतिक योगादिवस साजरा विकास पाटील धरणगाव (संपादक -:-हेमकांत गायकवाड) धरणगांव – शहरातील इंदिरा गांधी माध्यमिक विद्यालय व आदर्श माध्यमिक विद...

 जागतिक योगादिवस साजरा

विकास पाटील धरणगाव

(संपादक -:-हेमकांत गायकवाड)

धरणगांव – शहरातील इंदिरा गांधी माध्यमिक विद्यालय व आदर्श माध्यमिक विद्यालय धरणगाव यांच्या संयुक्त विद्यमाने आज २१ जून आंतरराष्ट्रीय योग दिवस मोठ्या उत्साहात साजरा करण्यात आला. आंतरराष्ट्रीय योग दिनाचे प्रास्ताविक आदर्श शाळेचे मुख्याध्यापक एस.जी.सोनवणे यांनी केले. नियमित योगासने व प्राणायाम केल्याने आपले शरीर तंदुरुस्त राहते हा मूलमंत्र  त्यांनी दिला.

सर्वप्रथम योग दिनाची सामुहिक प्रार्थना घेण्यात आली. यानंतर शाळेतील योगशिक्षक,पर्यवेक्षक ए.एस.पाटील यांनी विद्यार्थ्यांना योगासने व प्राणायामाचे विविध प्रकार प्रात्यक्षिक करून दाखवले. प्रात्यक्षिक करत असतांना शाळेतील क्रीडा शिक्षक डी.एन.पाटील व फिलिप गावीत यांनी विविध प्राणायाम व योगासने यांचे फायदे व तोटे विद्यार्थ्यांना समजून सांगितले. विद्यार्थ्यांनी आंतरराष्ट्रीय योग दिनाचे औचित्य साधत योगासने व प्राणायाम करण्याचा आनंद घेतला व त्याचे फायदे समजून घेतले. समारोपप्रसंगी सामूहिक शांतिमंत्राचे पठण केले.

आंतरराष्ट्रीय योग दिनाचे औचित्य साधत शाळेच्या मुख्याध्यापिका सुरेखा पाटील,संस्थेचे चेअरमन डी.जी.पाटील, सचिव सी.के.पाटील यांनी शुभेच्छा दिल्या आहेत. या कार्यक्रमात शिक्षक बंधू – भगिनी व कर्मचारी वृंद यांनी देखील योगासने व प्राणायाम केले.