सराफाचे दुकान फोडून 11 किलो सोन्या चांदीच्या दागिन्यांची चोरी करणारी टोळी गजाआड तब्बल..14 गुन्हे दाखल असलेल्या दिपक ला बेड्या..एलसीबीची कारवाई

  सराफाचे दुकान फोडून 11 किलो सोन्या चांदीच्या दागिन्यांची चोरी करणारी टोळी गजाआड तब्बल..14 गुन्हे दाखल असलेल्या दिपक ला बेड्या..एलसीबीची का...

 सराफाचे दुकान फोडून 11 किलो सोन्या चांदीच्या दागिन्यांची चोरी करणारी टोळी गजाआड तब्बल..14 गुन्हे दाखल असलेल्या दिपक ला बेड्या..एलसीबीची कारवाई 

सचिन मोकळं अहिल्यानगर

(संपादक -:- हेमकांत गायकवाड)

अहिल्यानगर (प्रतिनिधी):-श्रीरामपूर येथील सोनाराचे दुकान फोडणारे 04 आरोपी जालना येथून जेरबंद करण्यात स्थानिक गुन्हे शाखेच्या पथकाला यश आले असून 

आरोपीकडून 11 किलो 230 ग्रॅम चांदीसह 14,07,000/- रू कि.मुद्देमाल जप्त करण्याची कारवाई पोलिसांनी केली आहे.बातमीची हकिगत अशी की,फिर्यादी  निखील विजय नागरे,वय 34,धंदा सराफ (रामभाऊ सोपान नागरे ज्वेलर्स) रा.सद्गुरूकृपा,सावता रोड, वॉर्ड नं.03, श्रीरामपूर हे दि. 17 जुलै 2025 रोजी रात्री सराफ दुकान बंद करून घरी गेले असता अज्ञात चोरटयांनी दुकानाचे शटर तोडून दुकानातील ड्रॉवर व कपाटामधील सोन्याचे दागीने व चांदीचे दागीने,लगड असा एकुण 26,59,745/- रू किंमतीचा मुद्देमाल चोरून नेला.याबाबत श्रीरामपूर शहर पोलीस स्टेशन येथे गु.र.नं. 681/2025 बीएनएस कलम 305 (अ), 331 (4) प्रमाणे घरफोडीचा गुन्हा दाखल होता. वरिष्ठ पोलीस अधिकाऱ्यांच्या सूचनेनुसार स्थानिक गुन्हे शाखेचे पोलीस यांनी घटनाठिकाणी भेट देऊन, सीसीटीव्ही फुटेजची पाहणी करून नमूद गुन्हा हा गोपीसिंग टाक,रा.जालना व शिवाजी प्रल्हादराव सासनिक,रा.जालना अशांनी त्याचे साथीदारासह केल्याचे निष्पन्न केले.दि. 22 जुलै 2025 रोजी गोपनीय माहिती व तांत्रिक विश्लेषणाच्या आधारे आरोपी हे जालना येथे असल्याची माहिती मिळाली.पथकाने मिळालेल्या माहितीवरून जालना तालुका पोलीस स्टेशन,जि.जालना येथे जाऊन जालना तालुका पोलीस स्टेशन येथील पोहेकॉ/815 दत्तात्रय साळुबा मेहत्रे यांचे मदतीने संशयीत आरोपीचा शोध घेऊन गोपीसिंग प्रल्हादसिंग टाक,वय 25,दिपकसिंग प्रल्हादसिंग टाक,वय 28 रा.सिध्दार्थनगर,ता.जि.जालना मुळ रा.गुरूगोविंदसिंगनगर, शिकलकरी मोहल्ला, टाक हाऊस,जालना,शिवाजी प्रल्हादराव सासनिक,वय 36, रा.रेणुकामाता मंदिराजवळ, गांधीनगर, जालना,अमित नंदलाल दागडिया,वय 32, रा.खरपुडी रोड,हरीगोविंदनगर, जालना अशांना ताब्यात घेतले. 

ताब्यातील आरोपीकडे श्रीरामपूर शहर पोलीस स्टेशन गुरनं 681/2025 च्या अनुषंगाने विचारपूस केली असता आरोपी गोपीसिंग प्रल्हादसिंग टाक याने त्याचे वरील साथीदारासह रात्री त्यांचेकडील होंडा कारमधुन जाऊन श्रीरामपूर, जि.अहिल्यानगर येथे सोनाराचे दुकानामध्ये चोरी केल्याची माहिती सांगीतली.पथकाने पंचासमक्ष ताब्यातील आरोपीकडून 14,07,000/- रूपये किंमत त्यात होंडा कंपनीची सीटीझेड एक्स कार क्रमांक एमएच-03-एझेड-5458, 5 मोबाईल, 11 किलो 230 ग्रॅम चांदीचे दागीने व लगड, 4 ग्रॅम वजनाचे सोन्याचे दागीने असा मुद्देमाल जप्त केला आहे.

ताब्यातील आरोपी दिपकसिंग प्रल्हादसिंग टाक याचेवर दाखल गुन्हयाचा अभिलेख पडताळणी केली असता त्याचेवर जालना जिल्हयातील विविध पोलीस स्टेशनला यापुर्वी दरोडा तयारी, घरफोडी व चोरीचे 14 गुन्हे दाखल आहेत.ताब्यातील आरोपीस गुन्ह्याचे तपासकामी श्रीरामपूर शहर पोलीस स्टेशन येथे मुद्देमालासह हजर करण्यात आले असुन गुन्हयाचा पुढील तपास श्रीरामपूर शहर पोलीस स्टेशन हे करीत आहे.सदरची कारवाई श्री.सोमनाथ घार्गे पोलीस अधीक्षक,श्री.सोमनाथ वाकचौरे,अपर पोलीस अधीक्षक श्रीरामपूर,श्री.बसवराज शिवपुजे उपविभागीय पोलीस अधिकारी, श्रीरामपूर उपविभाग, श्री दिनेश आहेर पोलीस निरीक्षक स्थानिक गुन्हे शाखा यांचे सुचना व मार्गदर्शनाखाली स्थानिक गुन्हे शाखेचे पोसई/अनंत सालगुडे, पोलीस अंमलदार बाळासाहेब गुंजाळ,सुनिल मालणकर, भगवान थोरात,रमीजराजा आत्तार,अमृत आढाव,फुरकान शेख,प्रशांत राठोड,महादेव भांड यांनी केलेली आहे.