अधिकारी अनुपस्थितीवर कारवाईचे आदेश दीपक पाचपुते यांच्या तक्रारीची दखल

 अधिकारी अनुपस्थितीवर कारवाईचे आदेश दीपक पाचपुते यांच्या तक्रारीची दखल  अहिल्यानगर (प्रतिनिधी) :  (संपादक -:- हेमकांत गायकवाड) जिल्हा परिषद ...

 अधिकारी अनुपस्थितीवर कारवाईचे आदेश दीपक पाचपुते यांच्या तक्रारीची दखल 

अहिल्यानगर (प्रतिनिधी) : 

(संपादक -:- हेमकांत गायकवाड)

जिल्हा परिषद अहिल्यानगरच्या कार्यालयातील अधिकारी-कर्मचारी नियमित उपस्थित राहत नसल्याच्या तक्रारीची प्रशासनाने गंभीर दखल घेतली आहे. सामाजिक कार्यकर्ते दीपक पाचपुते यांनी केलेल्या तक्रारीनंतर उपमुख्य कार्यकारी अधिकारी राहुल शेळके यांनी सर्व गटविकास अधिकारी व विभागप्रमुखांना लेखी आदेश दिले आहेत.

क्षेत्रीय अधिकारी/कर्मचारी यांनी दरमहा देणीनोंद व उपस्थिती अहवाल वेळेत सादर करणे बंधनकारक असून, याबाबत नियमांचे पालन न करणाऱ्यांविरोधात कठोर कारवाई केली जाईल, असे आदेशपत्रात स्पष्ट करण्यात आले आहे. विशेषतः देणीनोंद वेळेत न सादर करणाऱ्या अधिकाऱ्यांचे वेतन अडवण्याची कार्यवाही केली जाणार आहे.

दीपक पाचपुते यांनी जिल्ह्यातील अनेक विस्तार अधिकारी, शाखा अभियंता व इतर क्षेत्रीय अधिकारी मासिक अहवाल वेळेवर देत नसल्याची तक्रार केली होती. या पार्श्वभूमीवर जिल्हा परिषदेने तातडीने आदेश जारी करून शिस्तपालन व पारदर्शकता यावर भर दिला आहे.

स्थानिक नागरिकांनी या निर्णयाचे स्वागत केले असून, यामुळे अधिकारी कार्यालयात वेळेत हजेरी लावतील आणि नागरिकांच्या कामकाजात गती येईल, अशी अपेक्षा व्यक्त केली जात आहे.