सर्व समाजाच्या लोकांनी सण उत्सव एकोप्याने साजरे करावेत.ध्वनी मर्यादेचे उल्लंघन करणाऱ्यावर कायदेशीर कारवाई केली जाईल -जिल्हा पोलिस अधिक्षक डॉ महेश्वर रेड्डी

 सर्व समाजाच्या लोकांनी सण उत्सव एकोप्याने साजरे करावेत.ध्वनी मर्यादेचे उल्लंघन करणाऱ्यावर कायदेशीर कारवाई केली जाईल -जिल्हा पोलिस अधिक्षक ड...

 सर्व समाजाच्या लोकांनी सण उत्सव एकोप्याने साजरे करावेत.ध्वनी मर्यादेचे उल्लंघन करणाऱ्यावर कायदेशीर कारवाई केली जाईल -जिल्हा पोलिस अधिक्षक डॉ महेश्वर रेड्डी  

रावेर प्रतिनिधी मुबारक तडवी 

(संपादक -:- हेमकांत गायकवाड)

गणेशोत्सव व ईद उन मिलादून्नबी सणांच्या काळात शासनाने घालून दिलेल्या आवाजाच्या मर्यादेचे उल्लंघन कोणीही करू नये. क्षमतेपेक्षा जास्त आवाजात डीजे वाजविणाऱ्यांवर कायदेशीर कारवाई करण्यात येईल असा इशारा जिल्हा पोलीस अधीक्षक डॉ महेश्वर रेड्डी यांनी दिला आहे.

रावेर पोलीस ठाण्यातर्फे गणेशोत्सव व ईद च्या प्रश्वभूमीवर आयोजित शांतता समितीच्या बैठकीत बोलत होते. यावेळी व्यासपीठावर पोलीस उपअधीक्षक अनिल बडगुजर, तहसीलदार बी ए कापसे, पोलीस निरीक्षक डॉ विशाल जयस्वाल, नगर पालिकेचे प्रतिनिधी प्रशांत कोकाटे, युवराज गोयल, वीज वितरण कंपनीचे अभियंता ठाकरे, आदी उपस्थित होते. एसपी डॉ महेश्वर रेड्डी मार्गदर्शन करताना पुढे म्हणाले की, सर्व समाजाच्या लोकांनी सण उत्सव एकोप्याने साजरे करावेत. मिरवणुकीत गुलाल ऐवजी फुलांच्या पाकळ्यांचा वापर करावा, अवास्तव खर्च वाढवण्यापेक्षा श्रद्धा वाढवावी असा संदेशही त्यांनी यावेळी उपस्थितांना दिला. मिरवणूक मार्ग दुरुस्त करावेत, शहरातील स्वच्छतेकडे नगरपालिकेने लक्ष द्यावे, उत्सव काळात विजपुरवठा सुरळीत राहील याची काळजी घ्यावी अशा सूचना ावेळी उपस्थित मान्यवरांना केल्या 

 सर्वानी एकत्रितपणे एकोप्याने सण उत्सव साजरे करावेत ज्यामुळे एकमेकांशी एकोपा निर्माण होऊन सण उत्सवांचा उत्साह दुपटीने वाढत असल्याचे प्रतिपादन फैजपूर 

उप विभागीय पोलीस अधिकारी अनिल बडगुजर यांनी केले. यावेळी ई जे महाजन, दिलीप कांबळे, डॉ संदीप पाटील, सार्वजनिक गणेश उत्सव मंडळाचे अध्यक्ष संतोष पाटील सी एस पाटील, युसूफ शेख, नितीन पाटील, योगेश गजरे, पंकज वाघ, गयास शेख यांच्या सह शांतता कमिटी सदस्य, दक्षता समिती सदस्य व पोलीस पाटील उपस्थित होते. कार्यक्रमाचे प्रस्तविक पोलीस निरीक्षक डॉ विशाल जयस्वाल यांनी केले. सूत्रसंचालन एपीआय मनोज महाजन यांनी केले. यावेळी एपीआय मीरा देशमुख पीएसआय तुषार पाटील , गोपनीय शाखेचे विशाल पाटील,महेश मोगरे यांच्यासह पोलीस कर्मचारी उपस्थित होते.