आदर्श माध्यमिक विद्यालय धरणगावची शैक्षणिक–निसर्ग–देवस्थान सहल उत्साहात संपन्न

 आदर्श माध्यमिक विद्यालय धरणगावची शैक्षणिक–निसर्ग–देवस्थान सहल उत्साहात संपन्न  धरणगाव प्रतिनिधी (संपादक -:- हेमकांत गायकवाड) आदर्श माध्यमिक...

 आदर्श माध्यमिक विद्यालय धरणगावची शैक्षणिक–निसर्ग–देवस्थान सहल उत्साहात संपन्न 

धरणगाव प्रतिनिधी

(संपादक -:- हेमकांत गायकवाड)

आदर्श माध्यमिक विद्यालय, धरणगाव येथील इयत्ता पाचवी ते दहावीच्या विद्यार्थ्यांसाठी शैक्षणिक, निसर्ग व देवस्थान सहलीचे आयोजन करण्यात आले. ही सहल विद्यार्थ्यांसाठी ज्ञानवर्धक, अनुभवसमृद्ध व आनंददायी ठरली.

सहलीची सुरुवात नांदुरा येथील भव्य १०५ फूट उंच हनुमान मूर्तीच्या दर्शनाने झाली. त्यानंतर विद्यार्थ्यांनी गरमागरम पोहे, सामोसे, जिलेबी व शिरा या स्वादिष्ट पदार्थांचा मनसोक्त आस्वाद घेतला. पुढे विद्यार्थ्यांनी श्री गजानन महाराज, शेगाव येथे भक्तिभावाने दर्शन घेतले. तसेच आनंद सागर येथे निसर्गसौंदर्याचा मनोहारी अनुभव घेतला.

शेगाव संस्थानच्या प्रसादलयात विद्यार्थ्यांनी दुपारच्या भोजनाचा आस्वाद घेतला. त्यानंतर माऊली वॉटर पार्क, शेगाव येथे विद्यार्थी–विद्यार्थिनींनी विविध जलक्रीडा व साहसी खेळांचा मनमुराद आनंद लुटला. झिकझॅक, सर्कल, डान्सिंग कार, केबल कार, रोप सायकलिंग, रेन डान्स, स्लायडिंग अशा नानाविध अ‍ॅडव्हेंचर उपक्रमांत विद्यार्थ्यांनी उत्स्फूर्त सहभाग नोंदविला.

ही सहल राज्य परिवहन महामंडळ, एरंडोल यांच्या दोन ‘लालपरी’ बसद्वारे सुरक्षित व आरामदायीरीत्या पार पडली. सकाळी साडेपाच वाजता निघालेली सहल संध्याकाळी साडेआठ वाजता विद्यालयात सुखरूपपणे परतली.

मुख्याध्यापक संदीपकुमार सोनवणे यांच्या मार्गदर्शनाखाली ही सहल यशस्वीरीत्या पार पडली. सहलप्रमुख फिलिप गावीत व उपशिक्षिका वैशाली पाटील यांनी उत्कृष्ट नियोजन केले. सहल यशस्वी करण्यासाठी बाबाजी मासुळ, मुकेश तोरवणे, तुषार नाईक, प्रविण पाटील हे शिक्षक-कर्मचारी तसेच शिपाई अमोल चौधरी यांनी विशेष परिश्रम घेतले. या स्तुत्य उपक्रमाचे कौतुक संस्थेचे अध्यक्ष सी. के. पाटील, सचिव सुरेखा पाटील, संचालक मच्छिंद्र पाटील व संचालक अश्विन पाटील यांनी केले आहे.