भक्तीचा आगळावेगळा उत्साह: अवघ्या साडेचार वर्षांच्या चिमुकल्या सिफान शेखने पाळला कडक रोजा.

 भक्तीचा आगळावेगळा उत्साह: अवघ्या साडेचार वर्षांच्या चिमुकल्या सिफान शेखने पाळला कडक रोजा.  रावेर प्रतिनिधी मुबारक तडवी  (संपादक -:- हेमकांत...

 भक्तीचा आगळावेगळा उत्साह: अवघ्या साडेचार वर्षांच्या चिमुकल्या सिफान शेखने पाळला कडक रोजा.

 रावेर प्रतिनिधी मुबारक तडवी 

(संपादक -:- हेमकांत गायकवाड)

रमजानचा पवित्र महिना म्हणजे संयम, त्याग आणि ईश्वराप्रती असलेल्या अढळ श्रद्धेचा काळ. या काळात लहानांपासून थोरांपर्यंत सर्वच जण उत्साहाने अल्लाहची इबादत करतात. असाच एक भक्तीचा आगळावेगळा उत्साह नुकताच पाहायला मिळाला, जिथे अवघ्या साडेचार वर्षांच्या सिफान इद्रीस शेख या चिमुकल्याने कडक उन्हाची तमा न बाळगता पूर्ण दिवसाचा रोजा पूर्ण केला आहे.सिफान हा खिर्डी ता रावेर येथील पत्रकार शेख इद्रीस यांचा सुपुत्र असून, सादिक शेख व आदिल शेख, नदीम शेख, अफसर शेख यांचा पुतण्या आहे. तसेच तो प्रसिद्ध कॉन्ट्रॅक्टर जाबीर बेग, साबीर बेग, इरफान बेग आणि शेख फारुक यांचा नातू आहे. आपल्या घरातील मोठ्या व्यक्तींना रोजा पाळताना पाहून, सिफानने देखील अत्यंत आनंदाने आणि जिद्दीने रोजा ठेवण्याचा निर्णय घेतला. पहाटेच्या 'सहरी'पासून ते सायंकाळच्या 'इफ्तार'पर्यंत त्याने न थकता आपला उपवास पाळला.एवढ्या लहान वयात सिफानने दाखवलेले हे धैर्य आणि धार्मिक संस्कार पाहून त्याचे सर्व स्तरांतून कौतुक होत आहे. त्याच्या या पहिल्या रोजानिमित्त त्याचे वडील, चुलते आणि आजोबांसह संपूर्ण बेग आणि शेख परिवारात आनंदाचे वातावरण पसरले आहे. नातेवाईक, मित्रपरिवार आणि परिसरातील नागरिकांनी या चिमुकल्या सिफानवर अभिनंदनाचा वर्षाव करत त्याला उज्ज्वल भविष्यासाठी दुवा दिल्या आहेत.