पिंप्राळा येथे ‘महाराणा प्रताप सार्वजनिक मुक्त वाचनालय व पुस्तकालया’चे थाटात उद्घाटन; विद्यार्थ्यांसाठी ज्ञानाचे नवे दालन

पिंप्राळा येथे ‘महाराणा प्रताप सार्वजनिक मुक्त वाचनालय व पुस्तकालया’चे थाटात उद्घाटन; विद्यार्थ्यांसाठी ज्ञानाचे नवे दालन  जळगाव प्रतिनिधी (...

पिंप्राळा येथे ‘महाराणा प्रताप सार्वजनिक मुक्त वाचनालय व पुस्तकालया’चे थाटात उद्घाटन; विद्यार्थ्यांसाठी ज्ञानाचे नवे दालन 

जळगाव प्रतिनिधी

(संपादक -:- हेमकांत गायकवाड)

जळगाव:- वाचनामुळे माणसाच्या विचारांची प्रगल्भता वाढते आणि समाजात ज्ञानाचा प्रसार होतो, या उदात्त हेतूने पिंप्राळा परिसरात ‘महाराणा प्रताप सार्वजनिक मुक्त वाचनालय व पुस्तकालया’ची स्थापना करण्यात आली आहे. या वाचनालयाचा लोकार्पण सोहळा आज उत्साहात पार पडला.

जळगाव महानगरपालिकेच्या प्रभाग क्रमांक ८ चे नगरसेवक इंजि. नरेंद्र आत्माराम पाटील यांच्या हस्ते फीत कापून वाचनालयाचे उद्घाटन करण्यात आले. यावेळी बोलताना त्यांनी सांगितले की, “आजच्या डिजिटल युगात तरुणांनी पुस्तकांशी जवळीक साधणे अत्यंत आवश्यक आहे. हे मुक्त वाचनालय पिंप्राळा परिसरातील विद्यार्थ्यांसाठी आणि वाचनप्रेमींसाठी ज्ञानाची गंगा ठरेल.”

कार्यक्रमाच्या अध्यक्षस्थानी बुलंद छावा संघटनेचे जिल्हाध्यक्ष प्रमोद पाटील होते. त्यांनी आपल्या अध्यक्षीय भाषणात वाचनालयाच्या उपक्रमाचे कौतुक करत समाजाच्या जडणघडणीत ग्रंथालयांचे महत्त्व अधोरेखित केले.

या वाचनालयाची संकल्पना आणि स्थापना संस्थापक अध्यक्ष मिथुन ढिवरे यांनी केली असून, परिसरातील नागरिकांना—विशेषतः स्पर्धा परीक्षेची तयारी करणाऱ्या विद्यार्थ्यांना—अभ्यासासाठी योग्य वातावरण आणि आवश्यक पुस्तके उपलब्ध करून देण्याच्या उद्देशाने हा उपक्रम राबविण्यात आला आहे.

कार्यक्रमास परिसरातील नागरिक, तरुण वर्ग तसेच विविध क्षेत्रातील मान्यवर मोठ्या संख्येने उपस्थित होते. वाचनालय सुरू झाल्याबद्दल पिंप्राळा परिसरातून समाधान व्यक्त करण्यात येत असून, विद्यार्थ्यांसाठी हे एक महत्त्वाचे ज्ञानकेंद्र ठरणार असल्याची भावना व्यक्त होत आहे.