अहिल्यानगर महापालिकेत गोंधळ; नगरसेवक श्रीपाद छिंदमला सभागृहातून बाहेरचा रस्ता

अहिल्यानगर महापालिकेत गोंधळ; नगरसेवक श्रीपाद छिंदमला सभागृहातून बाहेरचा रस्ता सचिन मोकळं अहिल्यानगर (संपादक -:- हेमकांत गायकवाड) अहिल्यानगर:...

अहिल्यानगर महापालिकेत गोंधळ; नगरसेवक श्रीपाद छिंदमला सभागृहातून बाहेरचा रस्ता

सचिन मोकळं अहिल्यानगर

(संपादक -:- हेमकांत गायकवाड)

अहिल्यानगर:-महानगरपालिकेच्या अंदाजपत्रकीय सभेत छत्रपती शिवाजी महाराजांबाबत अपशब्द काढल्या प्रकरणी वादग्रस्त ठरलेल्या नगरसेवक श्रीपाद छिंदमला सत्ताधारी नगरसेवकांनी सभागृहातून बाहेर काढले.छिंदम याला सभागृहात बोलण्याचा व बसण्याचा अधिकार नाही.त्याला प्रवेश न देण्याचा ठराव करा,त्याला बाहेर काढा,असे म्हणत सर्व नगरसेवकांनी सभात्याग करण्याचा इशारा दिला.अंदाजपत्रकीय चर्चा सुरू असताना श्रीपाद छिंदम यांनी बजेटवरील चर्चेत सहभाग घेण्याचा प्रयत्न केला.मात्र, राष्ट्रवादी काँग्रेसचे नगरसेवक संपत बारस्कर,गणेश भोसले, मयूर बांगरे,प्रकाश भागानगरे, सुरेश बनसोडे,विकी जगताप यांनी त्याला सभागृहात बसण्यास परवानगी देऊ नये, अशी मागणी केली.भाजपाचे नगरसेवक अमोल येवले यांनीही त्याला पाठिंबा दिला.संपत बारस्कर यांनी छिंदम याला सभागृहात न थांबता बाहेर जाण्याबाबत सांगितले.त्यानंतर काही नगरसेवकांनी आक्रमक होत त्याच्या दिशेने धाव घेतली. सर्वांनी मिळून त्याला सभागृहातून बाहेर काढले.ज्या व्यक्तीने छत्रपती शिवाजी महाराजांचा अपमान केला, त्याला सभागृहात प्रवेश देण्यात येणार नाही.याबाबत कायदेशीर मार्गाने अजेंड्यावर विषय घेऊन निर्णय घ्यावा.यापूर्वीही त्याला त्याचे पद रद्द करून सभागृहातून काढून टाकले होते.याबाबत आता पुन्हा ठराव करण्यात यावा.पुढच्या सभेत हा विषय अजेंड्यावर नसेल,तर आम्ही सभागृहात थांबणार नाही,असा इशारा संपत बारस्कर व इतर नगरसेवकांनी दिला.