साहित्य अकादमी पुरस्कार विजेते राजू बाविस्कर यांचा चोपड्यात सत्कार; पुढे ज्ञानपीठ पुरस्कार मिळो – सुनील पाटील

 साहित्य अकादमी पुरस्कार विजेते राजू बाविस्कर यांचा चोपड्यात सत्कार; पुढे ज्ञानपीठ पुरस्कार मिळो – सुनील पाटील  चोपडा | प्रतिनिधी (संपादक| ह...

 साहित्य अकादमी पुरस्कार विजेते राजू बाविस्कर यांचा चोपड्यात सत्कार; पुढे ज्ञानपीठ पुरस्कार मिळो – सुनील पाटील 

चोपडा | प्रतिनिधी

(संपादक| हेमकांत गायकवाड)

साहित्य क्षेत्रात उल्लेखनीय कामगिरी करत साहित्य अकादमी पुरस्कार मिळवणारे लेखक, चित्रकार आणि ‘काळ्या निळ्या रेषा’ या आत्मकथनाचे लेखक राजू बाविस्कर यांचा चोपडा येथे सत्कार करण्यात आला. या वेळी उपस्थित साहित्यप्रेमींनी त्यांच्या कार्याचे कौतुक करत अभिमान व्यक्त केला.

देशातील मान्यताप्राप्त २४ भाषांमधील उत्कृष्ट साहित्यकृतींना दरवर्षी साहित्य अकादमीकडून पुरस्कार प्रदान केला जातो. यंदा ‘काळ्या निळ्या रेषा’ या आत्मकथनासाठी राजू बाविस्कर यांना हा मानाचा पुरस्कार जाहीर झाला आहे. या आत्मकथनात त्यांनी आपल्या आयुष्यातील अनुभव, सामाजिक वास्तव, संघर्ष आणि वैचारिक प्रवासाचे प्रभावी व संवेदनशील चित्रण केले आहे. विशेषतः समाजातील वंचित घटकांच्या वेदना आणि वास्तवाला शब्दबद्ध केल्यामुळे ही कृती साहित्यविश्वात विशेष ठरली आहे.

चोपडा येथील म. गा. शि. मंडळ येथे आयोजित कार्यक्रमात राजू बाविस्कर यांच्या सत्काराचे आयोजन करण्यात आले होते. यावेळी सुनील पाटील (वाळकी) आणि पत्रकार मिलिंद सोनवणे यांच्या हस्ते त्यांचा सत्कार करण्यात आला.

याप्रसंगी बोलताना सुनील पाटील यांनी, “राजू बाविस्कर यांनी साहित्याच्या माध्यमातून समाजातील वास्तव प्रभावीपणे मांडले आहे. त्यांच्या कार्याला भविष्यात ‘ज्ञानपीठ पुरस्कार’ मिळावा,” अशा शुभेच्छा व्यक्त केल्या.

या सत्कार सोहळ्यामुळे चोपडा परिसरात साहित्यप्रेमींच्या वर्तुळात उत्साहाचे वातावरण निर्माण झाले असून, राजू बाविस्कर यांच्या यशामुळे संपूर्ण साहित्य क्षेत्राचा गौरव वाढल्याची भावना व्यक्त करण्यात येत आहे.