मातंग समाजातर्फे डॉ. बाबासाहेब आंबेडकर जयंती आगळ्या-वेगळ्या उपक्रमांनी उत्साहात साजरी

 मातंग समाजातर्फे डॉ. बाबासाहेब आंबेडकर जयंती आगळ्या-वेगळ्या उपक्रमांनी उत्साहात साजरी  लातूर, जि. प्र. (उत्तम माने): (संपादक -:- हेमकांत गा...

 मातंग समाजातर्फे डॉ. बाबासाहेब आंबेडकर जयंती आगळ्या-वेगळ्या उपक्रमांनी उत्साहात साजरी 

लातूर, जि. प्र. (उत्तम माने):

(संपादक -:- हेमकांत गायकवाड)

दि. 14 एप्रिल 2026 रोजी बोधिसत्व परमपूज्य डॉ. बाबासाहेब आंबेडकर यांची 135 वी जयंती निलंगा येथील मातंग समाज तसेच क्रांतिवीर लहुजी शक्ती सेना (ल.स.क.मा.) यांच्या वतीने अत्यंत उत्साहपूर्ण आणि आगळ्या-वेगळ्या पद्धतीने साजरी करण्यात आली.

कार्यक्रमाची सुरुवात सकाळी 9 वाजता डॉ. बाबासाहेबांच्या प्रतिमेचे पूजन करून झाली. यानंतर मा. विठ्ठलजी वाघमोडे (निवृत्त एसबीआय व्यवस्थापक) यांच्या हस्ते निळा ध्वज फडकावून ध्वजारोहण करण्यात आले. यावेळी उपस्थितांनी बाबासाहेबांना मानवंदना अर्पण केली. वाघमोडे यांनी आपल्या भाषणातून बाबासाहेबांच्या विचारांचे महत्त्व अधोरेखित करत, समाजाने त्यांची जयंती विचारपूर्वक साजरी करणे ही काळाची गरज असल्याचे सांगितले.

यानंतर अण्णाभाऊ साठे चौक ते डॉ. बाबासाहेब आंबेडकर यांच्या पुतळ्यापर्यंत वाद्यांच्या गजरात भव्य मिरवणूक काढण्यात आली. पुतळ्याला पुष्पहार अर्पण करून अभिवादन करण्यात आले. 

गेल्या चार वर्षांपासून निलंगा मातंग समाजातर्फे विविध सामाजिक उपक्रमांच्या माध्यमातून जयंती साजरी केली जात आहे. यंदाही लहान मुलांना वही-पेन वाटप, खाऊ वितरण तसेच ‘निलंगा राईस’चे वाटप करण्यात आले. सायंकाळी 4 ते 8 वाजेपर्यंत मोठ्या प्रमाणावर अन्नदान करण्यात आले, ज्याचा लाभ अनेक गरजू नागरिकांनी घेतला. तसेच उमेश सूर्यवंशी राठोडकर यांच्या वतीने खिचडी वाटपही करण्यात आले.

या कार्यक्रमासाठी नगरसेवक रमेश कांबळे, समाजभूषण गोविंद सूर्यवंशी, नागनाथ घोलप, उमेश कांबळे यांचे विशेष योगदान लाभले. तसेच मा. ढाकरे सर, मा. चौधरी सर, श्रीधर कांबळे, विनायक गायकवाड, केशव कांबळे, संजय कांबळे, राहुल कांबळे, विठ्ठल कांबळे, शत्रु शिंदे, लखन डोके, मारुती शिंदे, करण शिंदे, हनुमान कांबळे, राजू शिंदे, सतीश कुमार कांबळे, प्रेमनाथ गायकवाड, अविनाश कांबळे, कृष्णा कांबळे, गंगाताई कांबळे, वंदना कांबळे, शिवाजी शिंदे, आकाश रसाळ, नंदू कांबळे, विकास कांबळे, बल्लू कांबळे, अजित कांबळे, ओम कदम, अविष्कार कदम, संतोष कांबळे, प्रदीप थोरात, रमेश थोरात, जगदीश कांबळे, शशीपाल कांबळे आदींसह मातंग समाजातील अनेक युवक-युवती मोठ्या संख्येने उपस्थित होते.

एकूणच, सामाजिक एकोपा, विचारजागृती आणि सेवाभावी उपक्रमांच्या माध्यमातून डॉ. बाबासाहेब आंबेडकर यांची जयंती निलंगा येथे उत्साहात आणि प्रेरणादायी वातावरणात साजरी करण्यात आली.