अहिल्यानगरात थरार..! रीलस्टार व 'रुबाब' उद्योग समूहाचे संचालक सनी जाधव यांच्यावर भररस्त्यात थरारक गोळीबाराचा प्रयत्न पोलिसांच्या तत...
अहिल्यानगरात थरार..! रीलस्टार व 'रुबाब' उद्योग समूहाचे संचालक सनी जाधव यांच्यावर भररस्त्यात थरारक गोळीबाराचा प्रयत्न पोलिसांच्या तत्परतेमुळे अनर्थ टळला दोघे पोलिसांच्या ताब्यात!
सचिन मोकळं अहिल्यानगर
(संपादक -:- हेमकांत गायकवाड)
अहिल्यानगर:- शहरातील अत्यंत गजबजलेल्या कल्याण रोड परिसरात शुक्रवारी सायंकाळी एक धक्कादायक आणि थरारक घटना घडली.सोशल मीडियावरील प्रसिद्ध रीलस्टार आणि ‘रुबाब मेन्स वेअर’चे मालक सनी जाधव यांच्यावर दोन अज्ञात इसमांनी भररस्त्यात जीवघेणा हल्ला करण्याचा प्रयत्न केला.मात्र,सुदैवाने घटनास्थळी उपस्थित असलेल्या स्थानिक गुन्हे शाखेच्या (LCB) च्या कर्मचाऱ्यांनी दाखवलेल्या अचाट तत्परतेमुळे मोठा अनर्थ टळला असून सनी जाधव या हल्ल्यातून सुखरूप बचावले आहेत.या घटनेमुळे संपूर्ण अहिल्यानगर शहरात आणि सोशल मीडिया वर्तुळात एकच खळबळ उडाली आहे.मिळालेल्या सविस्तर माहितीनुसार,शुक्रवारी सायंकाळी ७ वाजेच्या सुमारास सनी जाधव हे कल्याण रोड परिसरात होते.याच दरम्यान दबा धरून बसलेल्या दोन हल्लेखोरांनी अचानक सनी जाधव यांना गाठले आणि त्यांच्यावर हल्ला करण्याचा प्रयत्न केला.हल्लेखोरांनी सोबत आणलेल्या गावठी कट्ट्यातून (पिस्तूल) गोळीबार करण्याचाही प्रयत्न केला.कट्ट्यातून गोळी झाडण्याच्या तयारीत आरोपी असतानाच तिथे घातपाताचा वास लागला.गोळीबार होणार इतक्यात,परिसरात गस्तीवर असलेल्या स्थानिक गुन्हे शाखेच्या (LCB) पथकातील कर्मचाऱ्यांचे लक्ष या प्रकाराकडे गेले.कुठलाही विचार न करता, प्राणाची बाजी लावून पोलीस कर्मचाऱ्यांनी तात्काळ हल्लेखोरांच्या दिशेने धाव घेतली.पोलिसांनी अत्यंत चपळाईने आरोपींना जागेवरच झडप घालून दस्तऐवज (कट्ट्यासह) ताब्यात घेतले. पोलिसांच्या या अंगावर काटा आणणाऱ्या तत्परतेमुळे सनी जाधव यांचे प्राण वाचले.पोलिसांनी घटनास्थळावरून ज्या दोन संशयितांना ताब्यात घेतले आहे, त्यांची नावे खालीलप्रमाणे आहेत:रवी साळुंखे (रा. बोल्हेगाव,अहिल्यानगर)
निखिल चव्हाण (रा.बोल्हेगाव, अहिल्यानगर),प्राथमिक तपासात समोर आलेल्या माहितीनुसार,आरोपी आणि सनी जाधव यांच्यात पूर्वीचे जुने वैमनस्य (पूर्ववैमनस्य) होते.याच जुन्या वादाचा वचपा काढण्यासाठी हा कट रचण्यात आल्याचे पोलिसांनी सांगितले.या गोळीबाराच्या प्रयत्नानंतर कल्याण रोड परिसरात काही काळ प्रचंड तणावाचे वातावरण निर्माण झाले होते.नागरिकांमध्ये भीतीचे वातावरण पसरल्याने बाजारपेठेतील हालचाली मंदावल्या होत्या.घटनेची माहिती मिळताच वरिष्ठ पोलीस अधिकाऱ्यांनी घटनास्थळी धाव घेतली.सध्या परिसरात कोणताही अनुचित प्रकार घडू नये म्हणून पोलीस बंदोबस्त मोठ्या प्रमाणावर वाढवण्यात आला आहे.अटक करण्यात आलेल्या दोन्ही आरोपींची पोलिसांकडून कसून चौकशी सुरू असून,या गुन्ह्यात आणखी कोणाचा हात आहे का? तसेच हा गावठी कट्टा कुठून आणला? याचा तपास अहिल्यानगर पोलीस करत आहेत.
No comments