२४ व्या अखिल भारतीय प्रतिभा महासम्मेलनात ललवाणी अॅग्रो टुरिझमला ‘स्मार्ट पर्यटन’ पुरस्काराने गौरव

२४ व्या अखिल भारतीय प्रतिभा महासम्मेलनात ललवाणी अॅग्रो टुरिझमला ‘स्मार्ट पर्यटन’ पुरस्काराने गौरव भुसावळ प्रतिनिधी  (संपादक : हेमकांत गायकवा...

२४ व्या अखिल भारतीय प्रतिभा महासम्मेलनात ललवाणी अॅग्रो टुरिझमला ‘स्मार्ट पर्यटन’ पुरस्काराने गौरव

भुसावळ प्रतिनिधी 

(संपादक : हेमकांत गायकवाड)

तालुक्यातील कुऱ्हे पानाचे शिवारात उभारण्यात आलेल्या ललवाणी अॅग्रो टुरिझमला आंतरराष्ट्रीय वर्ल्ड सेव्हन वंडर संस्थेतर्फे प्रदान करण्यात येणाऱ्या प्रतिष्ठेच्या *‘स्मार्ट पर्यटन’* पुरस्काराने सन्मानित करण्यात आले . अमरावती येथे आयोजित २४ वे अखिल भारतीय प्रतिभा महासम्मेलन , संत चेतना महाकुंभ व प्रकृती-अध्यात्म समागम या भव्य सोहळ्यात हा पुरस्कार प्रदान करण्यात आला .

श्री हनुमान व्यायाम प्रसारक मंडळ (एच.व्ही.पी.एम.) , अमरावती येथील स्व. सोमेश्वर पुसदकर स्मृती सभागृहात पार पडलेल्या या राष्ट्रीय स्तरावरील कार्यक्रमात उत्तराखंड , जम्मू-काश्मीर , झारखंड , मध्यप्रदेश , हिमाचल प्रदेश , महाराष्ट्र , उत्तर प्रदेश , आसाम , मेघालय यांसह देशातील १६ राज्यांतील विविध क्षेत्रांतील मान्यवरांची उपस्थिती लाभली होती . याप्रसंगी परमपूज्य संत डॉ. शिवयोगीजी महाराज , संत सयाजी महाराज , संत कृष्णकांत महाराज, सुशील महाराज वनवे , ब्रह्माकुमारी सीता दीदी , राजाभाऊ उंबरकर, प्रा. डॉ. पंढरीनाथ रोकडे , त्यागमूर्ती आरती सचदेव , अमरावती जिल्हा वकील संघ तसेच अॅड. क्रांती महाजन यांच्या शुभहस्ते विविध क्षेत्रांतील उल्लेखनीय कार्य करणाऱ्या प्रतिभावंतांचा गौरव करण्यात आला . क्रीडा , साहित्य , शिक्षण , कला , विश्वशांती , राष्ट्रीय सुरक्षा , राष्ट्रीय एकात्मता , सैन्य सन्मान , सहिष्णुता , सामाजिक सेवा आणि पर्यटन क्षेत्रात मोलाचे योगदान देणाऱ्या व्यक्तींना पुरस्कार प्रदान करण्यात आले 

यावेळी कार्यक्रमाचे प्रमुख आयोजक अॅड. डॉ. क्रांती महाजन यांनी आपल्या मनोगतात सांगितले की , ललवाणी अॅग्रो टुरिझमने अत्यल्प कालावधीत कृषी , पर्यटन , गोसेवा , प्राकृतिक चिकित्सा आणि पर्यावरण संवर्धन यांचा सुंदर संगम घडवून ग्रामीण पर्यटनाला एक नवी दिशा दिली आहे . ललवाणी अॅग्रो टुरिझमने यानिमित्ताने शहरातील नागरिकांना "खेड्याकडे चला , निसर्गाशी नाते जोडा" हा संदेश देत येथे नैसर्गिक , शांत आणि प्रसन्न वातावरण निर्माण करून दिले आहे .

येथील मनजिया रेस्टॉरंटमध्ये शुद्ध शाकाहारी व अस्सल खानदेशी भोजनाची मेजवानी दिली जाते . रेन डान्स , पंचवटी , शिवार फेरी , गणेश मंदिर तसेच येथील आंबा , नारळ , पेरू , बोरे , सीताफळ , रामफळ , अंजीर , संत्री , मोसंबी , सफरचंद , आदी विविध फळबागा पर्यटकांसाठी विशेष आकर्षण ठरत आहेत . शुद्ध हवा , संगीतमय वातावरण आणि निसर्गाच्या सान्निध्यात मनःशांतीचा अनुभव घेण्यासाठी हे ठिकाण आदर्श असल्याचे त्यांनी नमूद केले .

अॅड. क्रांती महाजन यांनी सांगितले की , या पर्यटनस्थळाला त्यांनी स्वतः भेट देऊन येथील व्यवस्थापन , स्वच्छता , पर्यावरणपूरक उपक्रम , गोसेवा , कृषी विकास आणि पर्यटकांसाठी उपलब्ध सुविधा यांचे बारकाईने निरीक्षण केले आहे . त्यानंतरच ‘स्मार्ट पर्यटन’ पुरस्कारासाठी या संस्थेची निवड करण्यात आली .

पुरस्कार स्वीकारतांनाना प्रा. डॉ. डी. एम. ललवाणी यांनी सांगितले की , "एक नवी चेतना आणि एक नवा भारत घडविण्यासाठी आपण सर्वांनी एकत्रित प्रयत्न करणे ही काळाची गरज आहे ." त्यांनी आपल्या यशाचे श्रेय कुटुंबीय , आप्तस्वकीय , मित्रपरिवार , सहकारी आणि आपल्या कार्यावर प्रेम करणाऱ्या सर्व शुभेच्छुकांना दिले . त्यांच्या सातत्यपूर्ण पाठबळामुळेच शिक्षण , समाजसेवा , कृषी , गोसेवा , प्राकृतिक चिकित्सा आणि पर्यटन या क्षेत्रांत कार्य करण्याची प्रेरणा मिळाल्याची भावना त्यांनी व्यक्त केली .येथे येणार्‍या अतीथींची मनोभावे सेवा,त्यांच्या चेहर्‍यावर आनंद,त्यांना निसर्गाचा नैसर्गीक गारवा व गोधनाबद्यल जिव्हाळा देण्याचा संकल्प असल्याचे नम्रपणे नमुद केले.

अॅड. डॉ. क्रांती महाजन यांनी प्रा. डॉ. ललवाणी यांच्या कार्याचे विशेष कौतुक करतांनाना सांगितले की , निवृत्तीनंतर विश्रांतीचा मार्ग स्वीकारण्याऐवजी त्यांनी कृषी , गोसेवा आणि ग्रामीण पर्यटनाच्या माध्यमातून समाजोपयोगी कार्याची नवी वाट निवडली . त्यांच्या अथक परिश्रमातून उभे राहिलेले ललवाणी अॅग्रो टुरिझम हे जळगाव जिल्ह्यासाठी पर्यटन क्षेत्रातील प्रेरणादायी मॉडेल ठरेल , असा विश्वास त्यांनी व्यक्त केला .

प्रा. डॉ. डी. एम. ललवाणी यांना यापूर्वीही आदर्श शिक्षक , शिक्षाशिरोमणी , समाजशिरोमणी, उत्कृष्ट संघटक , जीवन गौरव यांसह अनेक जिल्हास्तरीय व राज्यस्तरीय पुरस्कारांनी गौरविण्यात आले आहे . शिक्षण , समाजसेवा , गोसेवा , कृषी विकास , ग्रामीण पर्यटन आणि पर्यावरण संवर्धन या क्षेत्रांतील त्यांच्या उल्लेखनीय कार्यामुळे त्यांनी स्वतंत्र अशी ओळख निर्माण केली आहे . त्यांच्या या यशाबद्दल ललवाणी परिवार , आप्तस्वकीय , अलायन्झा शिपिंगचे संचालक मंडळ , सामाजिक , धार्मिक , कृषी व पर्यटन क्षेत्रातील मान्यवर , पांडव ग्रुप , मित्रपरिवार , हितचिंतक तसेच असंख्य शुभेच्छुकांनी त्यांचे अभिनंदन करून पुढील कार्यासाठी शुभेच्छा व्यक्त केल्या 

सुसंस्कृत , कार्यक्षम , दूरदृष्टी असलेले आणि शिक्षण , समाजसेवा , धर्मकार्य , गोसंवर्धन , कृषी व पर्यटन या विविध क्षेत्रांत स्वतःला पूर्णतः समर्पित करणारे व्यक्तिमत्त्व म्हणून प्रा. डॉ. डी. एम. ललवाणी यांची ओळख निर्माण झाली असून , आधुनिक संसाधनांचा समाजहितासाठी प्रभावी वापर करणारे प्रेरणादायी उद्योजक म्हणून त्यांचा हा सन्मान सर्वांसाठी अभिमानास्पद ठरला आहे .