अमोल अंधारे यांच्या वाढदिवसानिमित्त खामगावात भव्य मोफत आरोग्य शिबिर संपन्न भूमिपुत्र वैद्यकीय मदत कक्षाचा सामाजिक उपक्रम; नागरिकांनी घेतला आरोग्य तपासणीचा लाभ

 अमोल अंधारे यांच्या वाढदिवसानिमित्त खामगावात भव्य मोफत आरोग्य शिबिर संपन्न भूमिपुत्र वैद्यकीय मदत कक्षाचा सामाजिक उपक्रम; नागरिकांनी घेतला ...

 अमोल अंधारे यांच्या वाढदिवसानिमित्त खामगावात भव्य मोफत आरोग्य शिबिर संपन्न

भूमिपुत्र वैद्यकीय मदत कक्षाचा सामाजिक उपक्रम; नागरिकांनी घेतला आरोग्य तपासणीचा लाभ 

खामगाव :  पल्लवी पाटील

(संपादक -:- हेमकांत गायकवाड)

सामाजिक कार्यकर्ते व तरुणांचे प्रेरणास्थान मा. श्री. अमोल भाऊ अंधारे यांच्या वाढदिवसानिमित्त भूमिपुत्र वैद्यकीय मदत कक्ष, बुलढाणा यांच्या वतीने रविवार, दि. ९ ऑगस्ट २०२६ रोजी सामान्य रुग्णालय, खामगाव येथे भव्य मोफत सर्वरोग निदान व आरोग्य तपासणी शिबिराचे आयोजन करण्यात आले. केंद्रीय आयुष मंत्रालय, भारत सरकार, नवी दिल्ली यांच्या सहकार्याने आयोजित करण्यात आलेल्या या शिबिराला नागरिकांचा उत्स्फूर्त प्रतिसाद मिळाला.

सकाळी ९ ते दुपारी ४ वाजेपर्यंत आयोजित करण्यात आलेल्या या शिबिरात तज्ज्ञ डॉक्टरांकडून नागरिकांची मोफत आरोग्य तपासणी करण्यात आली. यावेळी विविध आजारांबाबत मार्गदर्शन तसेच आरोग्यविषयक जनजागृती करण्यात आली. मधुमेह, रक्तदाब, हृदयरोग, स्त्रीरोग यासह विविध आरोग्यविषयक समस्यांची तपासणी करून नागरिकांना आवश्यक आरोग्य मार्गदर्शन देण्यात आले. 

वाढदिवसाच्या निमित्ताने केवळ औपचारिक उत्सव न करता समाजोपयोगी उपक्रमाच्या माध्यमातून वाढदिवस साजरा करण्याचा आदर्श अमोल भाऊ अंधारे यांनी जपला. त्यांच्या वाढदिवसानिमित्त आयोजित या आरोग्य शिबिरातून सर्वसामान्य नागरिकांना मोफत आरोग्यसेवा उपलब्ध करून देण्यात आली.

या उपक्रमामुळे आर्थिकदृष्ट्या दुर्बल तसेच ग्रामीण भागातील नागरिकांना आरोग्य तपासणीची सुविधा मिळाली. आरोग्याबाबत वेळेवर तपासणी व योग्य मार्गदर्शन मिळणे गरजेचे असल्याचा संदेशही या शिबिरातून देण्यात आला.

भूमिपुत्र वैद्यकीय मदत कक्षाच्या या सामाजिक उपक्रमाचे नागरिकांकडून कौतुक करण्यात आले. अमोल अंधारे यांच्या वाढदिवसानिमित्त राबविण्यात आलेल्या या आरोग्यसेवेचा अनेक नागरिकांनी लाभ घेतला.