सातपुडा माध्यमिक विद्यालयात शिक्षकांची तात्काळ नियुक्ती करा; मनविसेचे निवेदन

 सातपुडा माध्यमिक विद्यालयात शिक्षकांची तात्काळ नियुक्ती करा; मनविसेचे निवेदन  यावल प्रतिनिधी (संपादक -:- हेमकांत गायकवाड) नायगाव : सातपुडा ...

 सातपुडा माध्यमिक विद्यालयात शिक्षकांची तात्काळ नियुक्ती करा; मनविसेचे निवेदन 

यावल प्रतिनिधी

(संपादक -:- हेमकांत गायकवाड)

नायगाव : सातपुडा माध्यमिक विद्यालय, नायगाव येथे शिक्षकांची मोठ्या प्रमाणात कमतरता असून विद्यार्थ्यांच्या शैक्षणिक नुकसानीची गंभीर समस्या निर्माण झाली आहे. या पार्श्वभूमीवर महाराष्ट्र नवनिर्माण विद्यार्थी सेनेच्या वतीने विद्यालयाचे मुख्याध्यापक मा. श्री. संजय देवरे सर तसेच स्थानिक संस्था चेअरमन संभाजी पाटील आणि व्हाईस चेअरमन एल. बी. पाटील यांना शिक्षकांची तात्काळ नियुक्ती करण्याबाबत निवेदन देण्यात आले.

सध्या विद्यालयाच्या सकाळच्या सत्रात इयत्ता ५ वी ते ७ वीकरिता केवळ तीन शिक्षक व एक शिक्षिका कार्यरत आहेत. तर दुपारच्या सत्रात इयत्ता ८ वी ते १० वीकरिता तीन शिक्षक व एक शिक्षिका कार्यरत आहेत. विशेषतः इंग्रजी, गणित आणि शारीरिक शिक्षण (P.T.) या विषयांसाठी शिक्षक उपलब्ध नसल्याने विद्यार्थ्यांच्या नियमित अध्यापनावर परिणाम होत आहे.

शिक्षकांच्या कमतरतेमुळे विद्यार्थ्यांचे शैक्षणिक नुकसान होत असून त्यांच्या भवितव्याशी तडजोड होऊ नये, यासाठी विद्यालयात किमान तीन पात्र शिक्षकांची तात्काळ नियुक्ती करण्यात यावी, अशी मागणी निवेदनाद्वारे करण्यात आली.

याबाबत योग्य कालावधीत कार्यवाही करून शिक्षक उपलब्ध करून न दिल्यास महाराष्ट्र नवनिर्माण विद्यार्थी सेना विद्यार्थ्यांच्या शैक्षणिक हक्कांसाठी लोकशाही मार्गाने आंदोलन करेल, असा इशारा यावेळी देण्यात आला.

निवेदन देताना महाराष्ट्र नवनिर्माण विद्यार्थी सेना रावेर लोकसभा जिल्हाध्यक्ष कल्पेश राजेंद्र पवार, संजय सुक्राम नन्नवरे, मंगलाबाई गणेश सावळे, विकास कोळी, योगेश कोळी, वैभव चौधरी, मरुबाई तडवी, हलमाबाई तडवी, सोनाबाई सोनवणे, सकीनाबाई तडवी तसेच विद्यार्थी व पालक उपस्थित होते.

“विद्यार्थ्यांच्या शिक्षणाशी तडजोड नाही; शिक्षक मिळेपर्यंत मनविसेचा लढा सुरूच राहील!” असा निर्धार यावेळी व्यक्त करण्यात आला.