गलंगी येथे कानबाई मातेचा उत्सव उत्साहात! भव्य मिरवणुकीने गाव दुमदुमले; ग्रामस्थ व पंचक्रोशीतील भाविकांच्या उत्स्फूर्त सहभागाने भक्तिमय वातावरण

 गलंगी येथे कानबाई मातेचा उत्सव उत्साहात! भव्य मिरवणुकीने गाव दुमदुमले; ग्रामस्थ व पंचक्रोशीतील भाविकांच्या उत्स्फूर्त सहभागाने भक्तिमय वाता...

 गलंगी येथे कानबाई मातेचा उत्सव उत्साहात!

भव्य मिरवणुकीने गाव दुमदुमले; ग्रामस्थ व पंचक्रोशीतील भाविकांच्या उत्स्फूर्त सहभागाने भक्तिमय वातावरण 

मच्छिंद्र रायसिंग गलंगी, ता. चोपडा 

(संपादक -:- हेमकांत गायकवाड)

गलंगी येथे दि. २४ ऑगस्ट २०२६ रोजी श्री कानबाई मातेचा पारंपरिक धार्मिक उत्सव मोठ्या उत्साहात, आनंदात आणि शांततापूर्ण वातावरणात भक्तिभावाने संपन्न झाला. ग्रामस्थ तसेच पंचक्रोशीतील भाविकांच्या उत्स्फूर्त सहभागामुळे संपूर्ण गावात दिवसभर भक्तिमय वातावरण निर्माण झाले होते.

उत्सवानिमित्त गावातील कैलास निंबा देवराज, शांताराम निंबा देवराज तसेच रायसिंग व देवराज परिवारातील अन्य कुटुंबीयांच्या निवासस्थानी श्री कानबाई मातेची शास्त्रोक्त पद्धतीने स्थापना करून विधिवत पूजन करण्यात आले.

यानिमित्त काढण्यात आलेली भव्य मिरवणूक हे उत्सवाचे प्रमुख आकर्षण ठरले. गावातील प्रमुख मार्गावरून मिरवणूक मोठ्या उत्साहात काढण्यात आली. बँडच्या तालावर आणि भक्तिगीतांच्या गजरात निघालेल्या मिरवणुकीत महिला, तरुण तसेच आबालवृद्धांनी मोठ्या संख्येने सहभाग घेतला. त्यामुळे संपूर्ण परिसर भक्तिमय वातावरणाने भारावून गेला होता.

धार्मिक विधी दिपक देवराज यांनी विधिवत पार पाडले. उत्सवादरम्यान भाविकांसाठी महाप्रसादाचे आयोजन करण्यात आले होते. ग्रामस्थ व पंचक्रोशीतील भाविकांनी मोठ्या भक्तिभावाने महाप्रसादाचा लाभ घेतला.

संपूर्ण उत्सवादरम्यान गावातील महिला, तरुण मंडळी तसेच आबालवृद्धांनी एकत्रित सहभाग नोंदविला. ग्रामस्थांचा उत्स्फूर्त सहभाग, एकोपा आणि परस्पर सहकार्य यामुळे श्री कानबाई मातेचा उत्सव आनंदात, भक्तिमय वातावरणात आणि शांततेत पार पडला.

उत्सव यशस्वी करण्यासाठी रायसिंग व देवराज परिवारासह गलंगी येथील सर्व ग्रामस्थांनी मोलाचे सहकार्य केले. ग्रामस्थांच्या एकजुटीमुळे पारंपरिक धार्मिक उत्सवाला यंदाही उत्साहाचे आणि भक्तीचे स्वरूप प्राप्त झाले.