चोपडा शहर पोलीस ठाण्यात रक्षाबंधन उत्साहात; महिला अंमलदारांनी बांधल्या अधिकारी-कर्मचाऱ्यांना राख्या रक्षाबंधनातून पोलीस कुटुंबातील आपुलकी, ब...
रक्षाबंधनातून पोलीस कुटुंबातील आपुलकी, बंधुभाव आणि सामाजिक बांधिलकीचा संदेश 
अशोक कोळी चोपडा
(संपादक -:- हेमकांत गायकवाड)
चोपडा : शहर पोलीस स्टेशन येथे महिला अंमलदार व पोलीस स्टाफच्या उपस्थितीत रक्षाबंधनाचा कार्यक्रम उत्साहपूर्ण आणि आनंदी वातावरणात साजरा करण्यात आला. यावेळी महिला अंमलदारांनी पोलीस अधिकारी पवन देसले तसेच उपस्थित पोलीस अधिकारी व कर्मचाऱ्यांना राखी बांधून रक्षाबंधनाच्या हार्दिक शुभेच्छा दिल्या. त्यानंतर पोलीस अधिकारी व कर्मचाऱ्यांनीही महिला अंमलदारांचा सन्मान करून त्यांना रक्षाबंधनाच्या शुभेच्छा दिल्या. रक्षाबंधन हा केवळ भाऊ-बहिणीच्या नात्याचा सण नसून प्रेम, विश्वास, आदर, संरक्षण आणि सामाजिक बांधिलकीचे नाते अधिक दृढ करणारा सण आहे. याच भावनेतून पोलीस ठाण्यात आयोजित करण्यात आलेल्या या कार्यक्रमामुळे अधिकारी, कर्मचारी आणि महिला अंमलदार यांच्यातील आपुलकी व बंधुभाव अधिक दृढ झाला.
पोलीस विभागात कर्तव्य बजावताना अधिकारी व कर्मचारी एकमेकांच्या सुख-दुःखात सहभागी होत असतात. अशा सामाजिक आणि सांस्कृतिक कार्यक्रमांमुळे पोलीस कुटुंबातील परस्पर स्नेह, सहकार्य आणि एकोपा वाढण्यास मदत होते. तसेच समाजातील नैतिक मूल्ये, परस्पर आदर आणि जबाबदारीची भावना अधिक मजबूत होते. या कार्यक्रमास पोलीस अधिकारी पवन देसले यांच्यासह पोलीस ठाण्यातील अधिकारी, महिला अंमलदार व पोलीस कर्मचारी मोठ्या संख्येने उपस्थित होते. उत्साहपूर्ण वातावरणात पार पडलेल्या या रक्षाबंधन कार्यक्रमातून पोलीस कुटुंबातील स्नेह आणि सामाजिक बांधिलकीचे दर्शन घडले.
No comments