पाचोरा येथे तालुकास्तरीय 'स्पेलिंग बी' स्पर्धेचा समारोप विजेते विद्यार्थी आता जिल्हास्तरीय स्पर्धेत पाचोराचे प्रतिनिधित्व करतील

  पाचोरा येथे तालुकास्तरीय 'स्पेलिंग बी' स्पर्धेचा समारोप विजेते विद्यार्थी आता जिल्हास्तरीय स्पर्धेत पाचोराचे प्रतिनिधित्व करतील पा...

 पाचोरा येथे तालुकास्तरीय 'स्पेलिंग बी' स्पर्धेचा समारोप

विजेते विद्यार्थी आता जिल्हास्तरीय स्पर्धेत पाचोराचे प्रतिनिधित्व करतील

पाचोरा येथे तालुकास्तरीय 'स्पेलिंग बी' स्पर्धेचा समारोप

जळगांव प्रतिनिधी : लियाकत शहा 

(संपादक : हेमकांत गायकवाड)

जळगाव जिल्हा मुख्य कार्यकारी अधिकारी करिश्मा नायर आणि प्राथमिक शिक्षण अधिकारी निलेश पाटील यांच्या मार्गदर्शनाखाली, पाचोरा तालुकास्तरीय 'स्पेलिंग बी' स्पर्धा ११ सप्टेंबर रोजी निर्मल इंटरनॅशनल स्कूलमध्ये आयोजित करण्यात आली होती. तालुक्यातील १४ केंद्रांमधून निवडलेल्या यशस्वी विद्यार्थ्यांनी या स्पर्धेत सहभाग घेतला. या कार्यक्रमाचे अध्यक्षस्थान गटशिक्षणाधिकारी विजय पवार यांनी भूषवले. उपशिक्षणाधिकारी स्वाती हवेले आणि सरोज गायकवाड प्रमुख पाहुणे म्हणून उपस्थित होत्या.

स्पेलिंग बी स्पर्धा चार वेगवेगळ्या गटांमध्ये आयोजित करण्यात आली होती. प्रत्येक गटातून दोन उत्कृष्ट विद्यार्थ्यांची निवड करण्यात आली. एकूण आठ विजेत्या विद्यार्थ्यांना आता जिल्हास्तरीय 'स्पेलिंग बी' स्पर्धेत पाचोरा तालुक्याचे प्रतिनिधित्व करण्याची संधी मिळणार आहे.

गटशिक्षणाधिकारी विजय पवार यांनी सर्व विजेत्या विद्यार्थ्यांचे, त्यांच्या पालकांचे आणि शिक्षकांचे अभिनंदन केले. स्पर्धेत यश न मिळवलेल्या विद्यार्थ्यांना प्रोत्साहन देताना ते म्हणाले की, अपयशाने खचून जाण्याची गरज नाही. महान फलंदाज सचिन तेंडुलकरचे उदाहरण देत ते म्हणाले की, पराभवातून शिकून पुढे जाणे हीच खऱ्या यशाची गुरुकिल्ली आहे. त्यांनी विजयी विद्यार्थ्यांना जिल्हास्तरीय स्पर्धेसाठी कठोर परिश्रम घेण्याचे आणि नियमित सराव करण्याचे आवाहनही केले.

केंद्रप्रमुख शेख जावेद रहीम यांचे मार्गदर्शन

पालकांना मार्गदर्शन करताना, केंद्रप्रमुख शेख जावेद रहीम यांनी स्पष्ट केले की, स्पेलिंग बी ही एक स्पर्धा किंवा खेळ आहे, ज्यामध्ये शालेय मुलांना बोलून किंवा लिहून एका शब्दाचे अचूक स्पेलिंग सांगावे लागते. मुलांचा शब्दसंग्रह, उच्चार आणि भाषेचे आकलन मजबूत करण्यासाठी ही स्पर्धा शालेय स्तरावर आयोजित केली जाते. या स्पर्धेत, परीक्षक किंवा सूत्रसंचालक एक कठीण शब्द पुकारतात आणि स्पर्धकाला मंचावर उभे राहून त्याचे अचूक स्पेलिंग सांगावे लागते. विद्यार्थ्यांची स्मरणशक्ती तीक्ष्ण करणे, आत्मविश्वास वाढवणे आणि नवीन शब्द शिकण्याची आवड निर्माण करणे हा यामागील उद्देश आहे.

आयोजक आणि सहकाऱ्यांचे विशेष योगदान

समापन समारंभात, उपस्थित मान्यवरांच्या हस्ते विजेत्या विद्यार्थ्यांना चषक देऊन सन्मानित करण्यात आले. गट समन्वयक जितेंद्र पाटील, केंद्र प्रमुख शेख जावेद रहीम, अनिल पाटील, शांताराम वानखेडे, सखाराम महाजन, चंद्रकांत मोराणकर, ज्ञानेश्वर पाचोले, अनिल वराडे, रामदास जाधव, विशाल पवार, रामराव पाटील, संदीप पवार, राजेश सोनावणे, केंद्र प्रमुख शेख जावेद रहीम, प्रज्ञा त्रिगुणे, घनश्याम चौधरी, सुवर्णा पाटील आणि सर्व सहकाऱ्यांनी हा कार्यक्रम यशस्वी करण्यासाठी अथक परिश्रम घेतले. कार्यक्रमाचे सूत्रसंचालन करणारे विनोद धनगर आणि शेख जावेद रहीम यांनी उपस्थित सर्व मान्यवर आणि सहकाऱ्यांचे आभार व्यक्त केले.

‘स्पेलिंग बी’ स्पर्धेचा विजेता

गट १

1. स्वदीप दीपक जाधव - भोजे

2. ऋत्विक शरद पाटील - बंब्रुड राणी

गट 2

1. दिशा गणेश पाटील - नांद्रा

2. तय्यबा सलाम खाटिक - पाचोरा उर्दू

गट 3

1. प्रीती पांडुरंग देशमुख - कुऱ्हाड खुर्द

2. अतिका फारुख काकर - लोहारी बुद्रुक

गट 4

1. प्राची अतुल ठाकरे - कुरंगी

2. जगवान शकील खान - पिंपळगाव उर्दू

फोटो कॅप्शन : जळगाव जिल्ह्यातील पाचोरा तालुक्यातील तालुकास्तरीय 'स्पेलिंग बी' स्पर्धेतील विजेत्या विद्यार्थ्यांसोबत गटशिक्षणाधिकारी विजय पवार, उपशिक्षणाधिकारी स्वाती हवेले व केंद्रप्रमुख शेख जावेद रहीम उपस्थित होते.