यावल प्रकल्प कार्यालयाला ठोकणार टाळे! पेसा ५०% रोस्टर अंमलबजावणी व भालोद आदिवासी वस्तीच्या समस्यांवर अखिल भारतीय आदिवासी विकास परिषद आक्रमक उप प्रदेशाध्यक्ष रामदास पावरा यांचा सणसणीत इशारा: मागण्या मान्य होईपर्यंत आंदोलन मागे घेणार नाही; २१ दिवसांचा अल्टीमेटम!

  यावल प्रकल्प कार्यालयाला ठोकणार टाळे! पेसा ५०% रोस्टर अंमलबजावणी व भालोद आदिवासी वस्तीच्या समस्यांवर अखिल भारतीय आदिवासी विकास परिषद आक्रम...

 यावल प्रकल्प कार्यालयाला ठोकणार टाळे! पेसा ५०% रोस्टर अंमलबजावणी व भालोद आदिवासी वस्तीच्या समस्यांवर अखिल भारतीय आदिवासी विकास परिषद आक्रमक

उप प्रदेशाध्यक्ष रामदास पावरा यांचा सणसणीत इशारा: मागण्या मान्य होईपर्यंत आंदोलन मागे घेणार नाही; २१ दिवसांचा अल्टीमेटम!

 फैजपूर प्रतिनिधी इंदु पिंजारी 

(संपादक : हेमकांत गायकवाड)

जळगाव जिल्ह्यातील पेसा (PESA) क्षेत्रातील स्थानिक आदिवासी बांधवांवर सातत्याने होणारा प्रशासकीय अन्याय, नियमांची पायमल्ली आणि प्रलंबित मागण्यांविरोधात अखिल भारतीय आदिवासी विकास परिषद (महाराष्ट्र राज्य) आता पूर्णपणे आरपारच्या लढ्याच्या भूमिकेत आली आहे. संघटनेचे उप प्रदेशाध्यक्ष मा. रामदास भाईदास पावरा यांच्या आक्रमक नेतृत्वाखाली एकात्मिक आदिवासी विकास प्रकल्प कार्यालय, यावल येथील प्रकल्प अधिकाऱ्यांना विविध मागण्यांचे सनसनाटी व सडेतोड निवेदन सादर करण्यात आले.

प्रशासनाला २१ दिवसांचा स्पष्ट अल्टीमेटम देत उप प्रदेशाध्यक्ष रामदास पावरा यांनी कडक इशारा दिला आहे की, “जर विहित मुदतीत मागण्या पूर्ण झाल्या नाहीत, तर यावल प्रकल्प कार्यालयाच्या मुख्य दरवाजाला कुलूप ठोकून (ताळेबंद) तीव्र जनआंदोलन छेडले जाईल. आणि हे आंदोलन केवळ एका दिवसाचे नसेल, तर सर्व मागण्या पूर्णपणे मान्य होत नाहीत तोपर्यंत हे ताळेबंद आंदोलन अविरत सुरूच राहील!”

 बातमीचे प्रमुख व महत्त्वाचे मुद्दे

१. पेसा ५०% रोस्टर व १७ संवर्गातील कर्मचाऱ्यांच्या समायोजनाची कडक अंमलबजावणी:

सविस्तर अहवाल व याद्या प्रसिद्ध करा: यावल प्रकल्पांतर्गत येणाऱ्या सर्व शासकीय कार्यालये, आश्रमशाळा व जि. प. शाळांमधील १७ संवर्गातील मंजूर, कार्यरत व रिक्त पदांचा अहवाल तात्काळ जाहीर करावा.

पेसा दाखला पडताळणी: कार्यरत पेसा व बिगर-पेसा कर्मचाऱ्यांची स्वतंत्र नावानिशी (मूळ जिल्हा व दाखला जावक क्रमांकासह) यादी सार्वजनिक करावी.

५ वर्षांपेक्षा जास्त कार्यरत कर्मचाऱ्यांचे तात्काळ समायोजन: शासन निर्णयानुसार ५ वर्षांपेक्षा जास्त काळ पूर्ण केलेल्या बिगर-पेसा कर्मचाऱ्यांना 'बिंदूनामावली बाह्य' (Roster-Out) दर्शवून बिगर-पेसा क्षेत्रात तात्काळ पाठवावे आणि ती ५०% आरक्षित पदे स्थानिक अनुसूचित जमाती (Local ST) उमेदवारांसाठी तात्काळ मोकळी करावीत.

कंत्राटी भरतीत केवळ स्थानिक पेसा उमेदवार: कंत्राटी व बाह्यस्रोत (Outsourcing) भरतीमध्ये इतरत्र उमेदवारांची भरती थांबवून १००% स्थानिक पेसा उमेदवारांचीच नियुक्ती करावी.

२. भालोद (जि. जळगाव) येथील आदिवासी वस्तीची पाहणी व नागरी सुविधा:

जळगाव तालुक्यातील गाव भालोद येथील आदिवासी वस्तीतील नागरिक मूलभूत सोयी-सुविधांपासून वंचित आहेत. यावल प्रकल्प कार्यालयाने आपल्या निरीक्षकांमार्फत भालोद येथील आदिवासी वस्तीची तात्काळ प्रत्यक्ष पाहणी (Inspection) करून तेथील रखडलेल्या रस्ते, पाणी, वीज व इतर मूलभूत सुविधा त्वरित पुरवाव्यात.

३. इतर महत्त्वपूर्ण मागण्या:

क्रांतीकारकांचे पुतळे: ५% पेसा निधीतून सर्व शाळा व ग्रामपंचायतींमध्ये आदिवासी क्रांतीकारकांचे पुतळे उभे करावेत.

शैक्षणिक व वसतिगृह सुधारणा: ५ ऑगस्ट २०२६ चा अन्यायकारक जी.आर. तात्काळ रद्द करावा. आश्रमशाळांमधील निकृष्ट 'सेंट्रल किचन' पद्धत बंद करून पूर्वीप्रमाणे ताजा आहार द्यावा. कॉलेजमधील अवाजवी वसुली थांबवून वसतिगृह विद्यार्थ्यांसाठी निर्वाह भत्ता वाढ व स्वतंत्र बस सेवा सुरू करावी.

आरोग्य यंत्रणा: प्रत्येक PHC मध्ये २४ तास निवासी डॉक्टर, रुग्णवाहिका आणि सर्पदंश व तातडीच्या उपचारांचा पूर्ण औषधसाठा उपलब्ध करावा.

वनहक्क (FRA) व स्थानिक प्रश्न: विस्थापन करणारी 'यावल वाईल्डाईफ सँक्चुरी' मंजुरी रद्द करावी, सर्व प्रलंबित वनहक्क पट्टे (दावे) मंजूर करावेत आणि सत्रासेन (किसनपाडा) येथे पिण्याच्या पाण्यासाठी विहीर खोदकामाला तात्काळ परवानगी द्यावी.

बदनामी करणाऱ्यांवर FIR: २९ ऑगस्ट २०२६ रोजी संघटनेच्या उप प्रदेशाध्यक्षांच्या नावाने खोटी तक्रार करून दिशाभूल व बदनामी करणाऱ्या समाजकंटकांवर तात्काळ पोलीस ठाण्यात गुन्हा दाखल करावा.

 विविध संघटनांचा एकमुखी पाठिंबा:

या आंदोलनाला परिसरातील बहुसंख्य सामाजिक व राजकीय संघटनांनी जाहीर पाठिंबा दर्शवला आहे:

१. आसम परिवार

२. भीम आर्मी

३. स्टार संघटना

४. तडवी भिल्ल विवाह युवा कृती समिती

५. शिवसेना (उद्धव बाळासाहेब ठाकरे)

६. आदिवासी सेल काँग्रेस समिती

७. बिरसा महामानव संघटना

 आंदोलनात सहभागी प्रमुख पदाधिकारी व कार्यकर्ते:

यावेळी निवेदक व प्रमुख उपस्थितीत जिल्हाध्यक्ष मुराद तडवी, रोनक तडवी, राजू दादा तडवी, रमोद पाडवी, सचिन पावरा, प्रवीण पावरा, जयदास पावरा, समाधान पावरा, सलीम छबु कुसुंबा, नसीर इब्राहिम लोहारा, सरफराज एकबार, फिरोज अब्बास सांगवी, सरदार बलदार हंबर्डे, सलीम सुभान पाल, राजू अकबर करजोत, नबाब दादा पिपरी, जहांगीर अहिरवाडी, जाबीर कबीर चिचाटे, फकीरा दादा नायगाव, नूर मोहम्मद इब्राहिम मोहगन, भिकारी दादा युवरा, नासिर दादा भाटकेळा, बबीता तडवी भटकेळा, जुबेदा बाई आमदा, आजराबाई आमदा तसेच भालोद महिला मंडळ गटाच्या महिला व शेकडो कार्यकर्ते मोठ्या संख्येने उपस्थित होते.