सरपंचपद आरक्षण रावेर तालुक्यात १७ग्रामपंचायतींचे OBCसाठी आरक्षित; प्रांताधिकारी कार्यालयात आज महिला आरक्षणाची सोडत

  सरपंचपद आरक्षण  रावेर तालुक्यात १७ग्रामपंचायतींचे OBCसाठी आरक्षित; प्रांताधिकारी कार्यालयात आज महिला आरक्षणाची सोडत  रावेर प्रतिनिधी मुबा...

 सरपंचपद आरक्षण 

रावेर तालुक्यात १७ग्रामपंचायतींचे OBCसाठी आरक्षित; प्रांताधिकारी कार्यालयात आज महिला आरक्षणाची सोडत 

रावेर प्रतिनिधी मुबारक तडवी 

(संपादक : हेमकांत गायकवाड)

रावेर तालुक्यातील ग्रामपंचायतींच्या सरपंचपदाच्या नागरिकांचा मागास प्रवर्ग (OBC) यासाठी १७ ग्रामपंचायतींची आरक्षण सोडत सोमवारी तहसील कार्यालयात काढण्यात आली. या वेळी ग्रामपंचायतींचे पदाधिकारी तसेच ग्रामस्थ मोठ्या संख्येने उपस्थित होते.

तहसील कार्यालयाच्या सभागृहात सकाळी ११ वाजता ही प्रक्रिया पार पडली. प्रभारी तहसीलदार संजय तायडे, निवडणूक नायब तहसीलदार आर. डी. पाटील आणि महसूल सहायक भूषण तायडे यांच्या उपस्थितीत सोडत पद्धतीने सरपंचपदाचे OBC आरक्षण निश्चित करण्यात आले. सोडतीची प्रक्रिया पारदर्शक पद्धतीने पार पाडण्यात आली.

OBC प्रवर्गासाठी आरक्षित करण्यात आलेल्या १७ ग्रामपंचायतींमध्ये उटखेडा, सुनोदा, वाघोदे बुद्रुक, कर्जाद, अजनाड, थोरगव्हाण, विवरे बुद्रुक, सिंगत, रणगाव, अहिरवाडी, खिर्डी खुर्द, खिर्डी बुद्रुक, धुरखेडा, वाघाडी, दसनूर, रमजीपूर आणि अजंदे या गावांचा समावेश आहे.

दरम्यान, आता या १७ OBC सरपंचपदांसह सर्वसाधारण प्रवर्गातील ४१ सरपंचपदांसाठी महिला आरक्षणाची सोडत काढण्यात येणार आहे. मंगळवारी, ८ सप्टेंबर रोजी दुपारी २ वाजता ही प्रक्रिया होणार असून महसूल उपविभागीय अधिकारी बबनराव काकडे यांच्या उपस्थितीत महिला आरक्षण निश्चित केले जाणार असल्याची माहिती प्रभारी तहसीलदार संजय तायडे यांनी दिली.

सर्वसाधारण प्रवर्गातील सरपंचपदांसाठी रेभोटा, पुरी, गाते, कोचुर खुर्द, भोकरी, कोळोदे, केहऱ्हाळे खुर्द, नांदूरखेडा, सावखेडा खुर्द, वडगाव, भाटखेडा, केहऱ्हाळे बुद्रुक, खिरोदा प्रगणे यावल, रसलपूर, उधळी बुद्रुक, रोझोदे, विटवे, तांदलवाडी, तामसवाडी, ऐनपूर, उधळी खुर्द, शिंगाडी, मोरगाव खुर्द, खिरवड, आठवडे, पातोंडी, मंगलवाडी, सुलवाडी, निंभोरासिम, कांडवेल, शिंदखेडा, मस्कावद खुर्द, मोरगाव बुद्रुक, निंबोल, बक्षीपूर, रायपूर, तासखेडा, आंदलवाडी, गौरखेडा बलवाडी आणि निंभोरा बुद्रुक या ग्रामपंचायतींचा समावेश आहे.

आरक्षण सोडतीमुळे आगामी ग्रामपंचायत निवडणुकीच्या पार्श्वभूमीवर रावेर तालुक्यातील राजकीय हालचालींना वेग

येण्याची शक्यता आहे. कोणत्या ग्रामपंचायतीचे सरपंचपद महिलांसाठी राखीव होते, याकडे इच्छुक उमेदवारांसह ग्रामस्थांचे लक्ष लागले आहे. उद्याच्या सोडतीनंतर विविध ग्रामपंचायतींमधील संभाव्य उमेदवारांचे चित्र अधिक स्पष्ट होणार आहे.

रावेर तालुक्यात OBC प्रवर्गासाठी १७ग्रामपंचायतींचे सरपंचपद आरक्षित झाले असून, उद्या OBC आणि सर्वसाधारण प्रवर्गातील एकूण ५८ सरपंचपदांसाठी महिला आरक्षणाची सोडत होणार आहे.