चोपडा पोलिसांची धडक कारवाई; गांजासह २२ वर्षीय तरुण अटकेत ;१ लाख ३५ हजार रुपयांचा मुद्देमाल जप्त

चोपडा पोलिसांची धडक कारवाई; गांजासह २२ वर्षीय तरुण अटकेत ; १ लाख ३५ हजार रुपयांचा मुद्देमाल जप्त  अशोक कोळी  चोपडा  [संपादक - हेमकांत गायकवा...

चोपडा पोलिसांची धडक कारवाई; गांजासह २२ वर्षीय तरुण अटकेत ;१ लाख ३५ हजार रुपयांचा मुद्देमाल जप्त 

अशोक कोळी चोपडा 

[संपादक - हेमकांत गायकवाड]     

चोपडा शहर पोलिसांनी अमली पदार्थांविरोधात कारवाई करत गांजासदृश पदार्थासह एका २२ वर्षीय तरुणाला अटक केली आहे. या कारवाईत २ किलो १६६ ग्रॅम वजनाचा गांजासदृश पदार्थ, दुचाकी आणि मोबाईल फोन असा एकूण १ लाख ३५ हजार रुपयांचा मुद्देमाल जप्त करण्यात आला आहे. या प्रकरणी चोपडा शहर पोलीस ठाण्यात एनडीपीएस कायद्यान्वये गुन्हा दाखल करण्यात आला आहे. गुप्त माहितीच्या आधारे पोलिसांची कारवाई मिळालेल्या माहितीनुसार, चोपडा शहर पोलीस ठाण्याचे पोलीस निरीक्षक पवन देसले यांना गुप्त बातमीदारामार्फत अमली पदार्थासंदर्भात माहिती मिळाली होती. या माहितीच्या आधारे त्यांनी चहाडी बीट अंमलदारांना तातडीने आवश्यक सूचना दिल्या. त्यानंतर पोलिसांनी घटनास्थळी धाव घेत संशयित आरोपी देवेंद्र गोपीचंद सोनवणे (वय २२, रा. आहिरे पोस्ट, ता. धरणगाव, जि. जळगाव) याच्याकडून हिरवट रंगाचा गांजासदृश पदार्थ जप्त केला. वजन केल्यानंतर या पदार्थाचे वजन २ किलो १६६ ग्रॅम असल्याचे निष्पन्न झाले. या कारवाईदरम्यान पोलिसांनी सुमारे ९० हजार रुपये किमतीची टीव्हीएस कंपनीची काळ्या रंगाची दुचाकी तसेच १५ हजार रुपये किमतीचा विवो कंपनीचा Y2 5G मोबाईल फोन जप्त केला. गांजासदृश पदार्थासह सर्व मुद्देमालाची एकूण किंमत १ लाख ३५ हजार रुपये असल्याची माहिती आहे. या प्रकरणी चोपडा शहर पोलीस ठाण्यात एनडीपीएस कायदा १९८५ अंतर्गत कलम ८(क), २०(ब)(ii)(ब) व २२(ब) अन्वये गुन्हा क्रमांक ४२६/२०२६ दाखल करण्यात आला आहे. या प्रकरणात संबंधित आरोपीला अटक करण्यात आली असून, पुढील तपास चोपडा शहर पोलीस करीत आहेत. ही कारवाई पोलीस निरीक्षक पवन देसले यांच्या मार्गदर्शनाखाली करण्यात आली. अमली पदार्थांविरोधात पोलिसांनी केलेल्या या कारवाईमुळे परिसरात लक्ष वेधले गेले आहे.