शालेय प्रमाणपत्रांना मिळणार डिजिटल सुरक्षेचे कवच! वन क्लिक स्कूल सोल्युशन’ प्रणालीचे माचला विद्यालय येथे सादरीकरण

  शालेय प्रमाणपत्रांना मिळणार डिजिटल सुरक्षेचे कवच! वन क्लिक स्कूल सोल्युशन’ प्रणालीचे माचला विद्यालय येथे सादरीकरण चोपडा तालुका प्रतिनिधी  ...

 शालेय प्रमाणपत्रांना मिळणार डिजिटल सुरक्षेचे कवच!

वन क्लिक स्कूल सोल्युशन’ प्रणालीचे माचला विद्यालय येथे सादरीकरण

चोपडा तालुका प्रतिनिधी 

(संपादक : हेमकांत गायकवाड)

माचला, ता. चोपडा : शालेय प्रशासकीय कामकाज अधिक गतिमान, पारदर्शक आणि सुरक्षित करण्याच्या दृष्टीने Smart India Innovative Solutions यांच्या वतीने विकसित करण्यात आलेल्या ‘One Click School Solution’ या डिजिटल प्रणालीचे सादरीकरण दि. १७ ऑक्टोबर २०२६ रोजी आईसाहेब चिंधाबाई निंबाजी पाटील माध्यमिक विद्यालय, माचला येथे करण्यात आले. या प्रणालीच्या माध्यमातून शालेय प्रमाणपत्रांची निर्मिती, डिजिटल नोंदींचे व्यवस्थापन आणि QR कोडद्वारे प्रमाणपत्र पडताळणी यांसारख्या सुविधांची माहिती देण्यात आली.

या कार्यक्रमाच्या अध्यक्षस्थानी गुळी नदी परिसर शिक्षण प्रसारक मंडळ, रुखणखेडे संस्थेचे अध्यक्ष दादासाहेब प्रविण देवराव निकम होते तसेच प्रमुख पाहुणे म्हणून संस्थेचे सचिव अण्णासाहेब घनश्याम निंबाजी पाटील, संस्थेचे संचालक डॉ.श्री.रविंद्र निकम, राजेंद्र पाटील, हिरालाल पाटील, अशोक पाटील, हेमलाल पाटील,खंडू दौलत पाटील,रमेश पाटील देवकीनंदन पाटील व विद्यालयाचे मुख्याध्यापक तथा तालुका मुख्याध्यापक संघाचे अध्यक्ष प्रविण आबाजीराव पाटील तसेच स्मार्ट इंडिया इनोव्हेटिव सोलूशनचे कॉम्प्युटर इंजिनियर अँड.रफिक शहा, सॉफ्टवेअर इंजिनीयर हर्षल जोशी,स्वप्नील पाटील,रोहित हेमलाल पाटील अन्य मान्यवर उपस्थित होते. याप्रसंगी शालेय विद्यार्थ्यांना डिजिटल ओळखपत्र आणि बोनाफाईड प्रमाणपत्र मान्यवरांच्या हस्ते वाटप करण्यात आले.

यावेळी Smart India Innovative Solutions चे अभियंता हर्षल जोशी सर तसेच अँड.रफिक शहा यांनी डिजिटल प्रणालीसंदर्भात खालीलप्रमाणे सविस्तर माहिती सादर केली.

QR कोडद्वारे प्रमाणपत्र पडताळणीची सुविधा

आजच्या डिजिटल युगात शालेय कागदपत्रांची विश्वासार्हता आणि सुरक्षितता जपणे अत्यंत महत्त्वाचे झाले आहे. शाळा सोडल्याचा दाखला (LC), बोनाफाईड प्रमाणपत्र आणि चारित्र्य प्रमाणपत्र यांसारख्या महत्त्वाच्या कागदपत्रांमध्ये अनधिकृत बदल किंवा बनावट कागदपत्रांचा वापर होण्याची शक्यता लक्षात घेता, QR कोड आधारित पडताळणी उपयुक्त ठरू शकते.

‘One Click School Solution’ या प्रणालीच्या माध्यमातून प्रमाणपत्रावरील QR कोड स्कॅन करून संबंधित अधिकृत डिजिटल नोंदींच्या आधारे प्रमाणपत्राची सत्यता तपासण्याची सुविधा उपलब्ध करून देण्याची संकल्पना मांडण्यात आली. या तंत्रज्ञानामुळे प्रमाणपत्रांची पडताळणी अधिक सुलभ होण्यास आणि शैक्षणिक कागदपत्रांबाबत विश्वासार्हता वाढविण्यास मदत होऊ शकते.

शालेय कामकाज होणार अधिक सुलभ

या डिजिटल प्रणालीमध्ये बोनाफाईड प्रमाणपत्र, शाळा सोडल्याचा दाखला, चारित्र्य प्रमाणपत्र, QR कोड आधारित विद्यार्थी ओळखपत्रे, उपस्थिती व्यवस्थापन आणि निकाल व्यवस्थापन यांसारख्या सुविधांचा समावेश आहे. या सुविधांच्या साहाय्याने विद्यार्थ्यांची माहिती व्यवस्थित नोंदविणे, आवश्यक प्रमाणपत्रे तयार करणे आणि शालेय प्रशासकीय कामकाज अधिक सुसूत्र करणे शक्य होऊ शकते.

प्रमाणपत्र निर्मितीसाठी लागणारा वेळ, वारंवार करावे लागणारे टायपिंग, कागदपत्रांच्या नोंदी ठेवण्याचे काम आणि छपाईवरील खर्च कमी करण्यासाठी अशा डिजिटल प्रणालींचा उपयोग होऊ शकतो. त्यामुळे शिक्षकांना प्रशासकीय कामकाजासोबतच अध्यापनासाठी अधिक वेळ देता येण्यास मदत मिळू शकते.

डिजिटल शिक्षण व्यवस्थेकडे महत्त्वाचे पाऊल

शिक्षण क्षेत्रात आधुनिक तंत्रज्ञानाचा वापर वाढत असताना शाळांचे प्रशासकीय कामकाज डिजिटल स्वरूपात आणणे ही काळाची गरज बनली आहे. डिजिटल प्रमाणपत्रे, अधिकृत नोंदींची पडताळणी आणि विद्यार्थी माहितीचे व्यवस्थापन यांसारख्या सुविधांमुळे शालेय प्रशासन अधिक कार्यक्षम व पारदर्शक होण्यास मदत मिळू शकते.

Smart India Innovative Solutions यांच्या ‘One Click School Solution’ या उपक्रमाच्या माध्यमातून शालेय कामकाज अधिक आधुनिक करण्याच्या दृष्टीने माहिती सादर करण्यात आली. या उपक्रमामुळे शाळांच्या डिजिटल परिवर्तनाला चालना मिळण्याची अपेक्षा व्यक्त करण्यात येत आहे.

या कार्यक्रमाचे प्रास्ताविक श्री.रोहित हेमलाल पाटील यांनी केले तर कार्यक्रमाचे सूत्रसंचालन व आभार विद्यालयाचे शिक्षक वसंत पाटील यांनी केले.कार्यक्रमाच्या यशस्वितेसाठी विद्यालयाचे मुख्याध्यापक,शिक्षक शिक्षकेतर कर्मचाऱ्यांनी मेहनत घेतली.