नवरात्रोत्सवानिमित्त अंतुर्ली येथे 'सूर्यकन्या तापीकेश्वर ट्रस्ट'तर्फे महिलांना किराणा साहित्याचे वाटप; श्री देवनाथ महाराजांची प्रमुख उपस्थिती

नवरात्रोत्सवानिमित्त अंतुर्ली येथे 'सूर्यकन्या तापीकेश्वर ट्रस्ट'तर्फे महिलांना किराणा साहित्याचे वाटप; श्री देवनाथ महाराजांची प्रमु...

नवरात्रोत्सवानिमित्त अंतुर्ली येथे 'सूर्यकन्या तापीकेश्वर ट्रस्ट'तर्फे महिलांना किराणा साहित्याचे वाटप; श्री देवनाथ महाराजांची प्रमुख उपस्थिती

प्रतिनिधी. किरण धायले

(संपादक : हेमकांत गायकवाड)

अंतुर्ली ता मुक्ताईनगर आदिशक्तीच्या जागरणाचा सण असलेल्या नवरात्रोत्सवाचे औचित्य साधून सामाजिक बांधिलकी जपत अंतुर्ली येथे ‘सूर्यकन्या तापीकेश्वर ट्रस्ट’च्या वतीने महिला व माता-भगिनींना दैनंदिन गरजेच्या किराणा साहित्याचे वाटप करण्यात आले. हा उपक्रम श्री संत देवनाथ महाराज यांच्या शुभहस्ते संपन्न झाला.

नवरात्रीत घरोघरी घटस्थापना करून शक्तिरूपाची पूजा केली जाते. याच भावनेतून समाजातील महिलांचा सन्मान व्हावा आणि सणासुदीच्या दिवसांत कुटुंबांना दैनंदिन संसारात हातभार लागावा, या उदात्त हेतूने ट्रस्टने या सामाजिक उपक्रमाचे आयोजन केले होते. कार्यक्रमादरम्यान उपस्थित माता-भगिनींना जीवनावश्यक वस्तूंचा समावेश असलेले किराणा पॅकेज भेट स्वरूपात वितरित करण्यात आले.

 लोकांकडून ट्रस्टच्या या सेवाभावी कार्याचे कौतुक करण्यात येत आहे. "सणांच्या निमित्ताने गरजूंना मदत करणे आणि मातृशक्तीचा सन्मान करणे हीच खरी ईश्वराची सेवा आहे," असे मत सर्वांनी व्यक्त केले.

या उपक्रमासाठी गावातील तसेच परिसरातील अनेक दानशूर व्यक्तींनी सढळ हाताने सहकार्य केले. 

या उपक्रमाचे यशस्वी आयोजन केल्याबद्दल सूर्यकन्या तापीकेश्वर ट्रस्टच्या वतीने सर्व दात्यांचे, ग्रामस्थांचे व कार्यकर्त्यांचे मनःपूर्वक आभार मानण्यात आले. 

अशा प्रकारचे सामाजिक उपक्रम भविष्यातही सातत्याने राबविले जातील, असा संकल्प यावेळी ट्रस्टच्या पदाधिकाऱ्यांनी व्यक्त केला.

या कार्यक्रमास गावातील नागरिक, महिला भगिनी व ट्रस्टचे पदाधिकारी मोठ्या संख्येने उपस्थित होते.